«Moj žyvot vykazaŭsia». Starbucks vypuściŭ sieryju novych napojaŭ, ale štości pajšło nie tak
«Heta adzin z najbujniejšych zapuskaŭ, jakija my mieli za apošnija dziesiacihodździ», — upeŭnieny dyrektar pa markietynhu Starbucks.
Amierykanskaja sietka kaviarań Starbucks zapuściła sieryju novych napojaŭ Oleato — zvyčajnaj kavy, ale z dadatkam aliŭkavaha aleju pieršaha adciskańnia. Pra heta 10 krasavika napisała ahienctva CNN.
Kiraŭnictva Starbucks śćviardžaje, što takija aliŭkavyja napoi vielmi karysnyja dla zdaroŭja, i što jany zdolnyja «zrabić revalucyju ŭ kavavaj industryi».
«Heta adzin z samych značnych zapuskaŭ za apošnija dziesiacihodździ», — skazaŭ CNN Bredzi Bruer, dyrektar pa markietynhu Starbucks.
«Heta mocna źmienić kavavuju industryju i stanie vielmi prybytkovym novym dadatkam da kampanii», — dadaŭ Hovard Šulc, časovy hienieralny dyrektar Starbucks.
Adnak nie ŭsie padzialajuć ich punkt hledžańnia.
Jak adznačaje CNN, aliŭkavyja napoi Oleato amal adrazu paśla ich pićcia ŭ mnohich vyklikali dyjareju — pryčym jak u zvyčajnych klijentaŭ, tak i ŭ piersanału Starbucks.
«Pałova kamandy pakaštavała heta ŭčora, i dla niekatorych heta skončyłasia … karaciej kažučy, im treba było ŭ prybiralniu, kali vy razumiejecie, što ja maju na ŭvazie», — raspavioŭ barysta adnoj z kaviarań Starbucks.
Kamientaryi klijentaŭ taksama nie prymusili siabie čakać: adny kazali pra toje, što «novy napoj prymusiŭ ich žyvot vykazacca», a druhija — što «nie dakranulisia b da hetych napojaŭ navat trochmietrovym kijem».
I sapraŭdy, niahledziačy na ŭsiu karysnaść aliŭkavaha aleju (źnižeńnie ryzyki sardečna-sasudzistych zachvorvańniaŭ i arteryjalnaha cisku), jaho vykarystańnie razam z kafieinam daje mocny słabicielny efiekt (kafiein stymuluje kišečnik, a aliŭkavy alej jaho rassłablaje). Tamu tut važna zachoŭvać aściarožnaść.
Alej, asabliva ŭranku, słabić. Kava taksama mnohich słabić. A kava z alejem, naturalna, słabić našmat macniej.
Prodaž napojaŭ Oleato, jak piša CNN, byŭ upieršyniu zapuščany ŭ Italii jašče ŭ lutym hetaha hoda. Novaja sieryja składajecca z łate na aŭsianym małaku (Oleato™ Caffè Latte), espresa ź lodam na aŭsianym małaku (Oleato™ Iced Shaken Espresso) i kołd bru z załatoj pienaj (Oleato™ Golden Foam™ Cold Brew) — i va ŭsie ź ich dadajecca pa adnoj łyžcy aleju, što dadaje kožnamu napoju pa 120 kałoryj.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary