Da žycharoŭ Viciebska, asudžanych raniej pa palityčnych artykułach, budzie štomiesiac zachodzić milicyja
Pra rejdy pa śpisach paviedamlajuć viciebskija pravaabaroncy.
Tak, naprykład, prychodzili da žančyny, jakoj u 2021 hodzie paviesili administracyjny artykuł za pikiet.
«Supracoŭnik milicyi skazaŭ, što termin daŭniny pravaparušeńnia prajšoŭ, ale ja ŭ ich na ŭliku. Na pytańnie, na jakoj padstavie, adkazaŭ «pa zakonie». Pa jakim, tak i nie ahučyŭ», — pryvodziać pravaabaroncy słovy žančyny.
Pra vizity milicyjantaŭ u fejsbuku raspaviadajuć i inšyja žychary Viciebska.
Niekatorym ź ich uručyli pozvy na prafiłaktyčnuju hutarku ŭ prakuraturu. Niekatorych raspytvali, čym jany zajmajucca, dzie pracujuć, za jakija srodki žyvuć, chto pražyvaje ŭ kvatery razam ź imi.
Supracoŭniki milicyi padčas naviedvańniaŭ časta nazyvajuć siabie ŭčastkovymi, chacia ludzi adznačajuć, što raniej takich słužboŭcaŭ na svaich učastkach nie sustrakali. Pracujučy pa admysłovych «śpisach», jany časta ahučvajuć pamyłkovuju infarmacyju, jakaja imavierna zachoŭvajecca ŭ RAUS.
Učastkovyja pravodziać tatalny abychod kvater. Voś jak heta adbyvajecca
MUS raspaŭsiudžvaje pakarańnie sutkami na inšyja katehoryi pravaparušalnikaŭ — novaja praktyka
Kamientary
Chaj bajacca