Namieśnik ministra sportu: Nas sa ściahami nie dapuskajuć, a zamianiajuć transhiendarami
Namieśnik ministra sportu i turyzmu Łukašenki Aleh Andrejčyk u intervju dziaržaŭnamu telekanału vykazaŭ svajo mierkavańnie pra transhiendarnych ludziej u sporcie.
U Andrejčyka padčas intervju zapytalisia, što jon dumaje nakont taho, što da vystupleńniaŭ pad nacyjanalnymi ściahami dapuskajucca transhiendary. U jakaści prykładu byŭ pryviedzieny fihuryst ci fihurystka — «składana skazać, što heta za čałaviek». Čynoŭnik žyva adhuknuŭsia na prapanovu parazvažać na hetu temu i vykazaŭ usio, što ŭ jaho było na dušy:
«A nas bieź ściaha nie dapuskajuć, a voś zamiena.
Sport mianiajecca technična ŭ lepšy bok. Heta stanovicca šou. Heta stanovicca dastupna dla ŭsich. Ale ŭ toj ža čas my bačym, što voś takija voś niezrazumiełyja dla mnohich. Subkultury, ci jak heta nazvać… Kirunki.
Niejkaje adchileńnie, abvastreńnie adbyvajecca z zachodnim hramadstvam, i my heta nazirajem. Ja pamiataju litaralna 8—9 hadoŭ tamu Kaster Siamienia, kali jana vyjhravała zabiehi na 800 m na čempijanatach śvietu, na Alimpijskich hulniach spartsmienka z Mazambika [nasamreč jana z Paŭdniova-Afrykanskaj Respubliki. — Red.]. Była vialikaja palemika ŭ hramadstvie: «Dy jana mužčyna, dy jana nie moža z žančynami spaborničać». Miedyki źbiralisia, rabili tam śpiecyjalna hetyja testy, zrezy, vyznačali ŭzrovień testasteronu. Heta byŭ taki niby, nu, nie viedaju, vybuch emocyj.
Prachodzić niejki čas, i my bačym, kali mužčyny raptam zachacieli spaborničać u jakaści ŭdzielnic spabornictvaŭ. My pieršyja prykłady litaralna niekalki hadoŭ tamu pamiatajem. Novaziełandski spartsmien abo spartsmienka — składana skazać.
Nu, heta navat ciažka patłumačyć. Voś takaja dumka. Nas nie dapuskajuć sa ściaham i z himnam. Sapraŭdnych, sumlennych, dobrych spartoŭcaŭ. A voś zamienu my ŭbačyli.
U sporcie, ja vam skazaŭ, pa-pieršaje, ja baču reakcyju spartoŭcaŭ i nie tolki našych spartoŭcaŭ, ale i zachodnich, i amierykancaŭ. Moža, šmat chto baicca pra heta kazać, ale heta nieprymalna.
Siońnia navat fizijałahična, technična, ale nie moža siońnia mužčyna spaborničać z žančynami, tamu pakul heta šyrokaha prymianieńnia nie vyklikała. Ja spadziajusia, što heta budzie ŭvohule vykaraniena. Ja ŭ heta vieru».
Čytajcie taksama:
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary