Prezident Uładzimir Zialenski pierakanany, što kali Uzbrojenyja siły nie vyjhrajuć bitvu za Bachmut, to na Ukrainu ŭzmocnicca cisk pa pošuku nieprymalnych kampramisaŭ z rasijskim ahresaram. Pra heta prezident Ukrainy zajaviŭ u intervju Associated Press.
«Kali jon [Uładzimir Pucin] adčuje trochi kryvi, adčuje, što my słabyja, jon budzie cisnuć, cisnuć, cisnuć».
Sa słoŭ prezidenta Ukrainy, kali Bachmut padzie, Pucin «pradaść hetuju pieramohu Zachadu, svajmu hramadstvu, Kitaju, Iranu».
Prezident Ukrainy padkreśliŭ, što ŭ vypadku paražeńnia ŭ bitvie za Bachmut, ukrainskaje hramadstva adčuje stomlenaść, što padšturchnie jaho da kampramisu. Ale pakul jon nie adčuvaje padobnaha cisku.
28 sakavika kamandujučy Suchaputnymi vojskami USU Alaksandr Syrski zajaviŭ, što rasijskija zachopniki nie pakidajuć sprob zachapić horad Bachmut u Danieckaj vobłaści, a zadača ŭkrainskich sił — źniasilić voraha i nanieści jamu vialikija straty.
Minabarony Vialikabrytanii: Rasijskija vojski viartajucca da abarony paśla niaŭdałaha nastupu na Bachmut
Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam
Rasijanie prasunulisia pad Bachmutam, ale nie mohuć nastupać u inšych kirunkach — brytanskaja raźviedka
Kamientary