Rasijanie prasunulisia pad Bachmutam, ale nie mohuć nastupać u inšych kirunkach — brytanskaja raźviedka
Brytanskaja raźviedka ŭ svajoj spravazdačy piša pra abstanoŭku ŭ rajonie Bachmuta.
Raźviedka adznačaje, što apošnimi dniami rasijskija vajskoŭcy i najmity PVK «Vahnier» zmahli zamacavacca na zachodnim bierazie raki Bachmutki, jakaja prachodzić praz centr horada. Pry hetym na tym tydni raka faktyčna paznačała liniju frontu. Uzbrojenyja siły Ukrainy praciahvajuć abaraniać zachodniuju častku horada.
Adnak ahułam pa ŭsioj linii frontu Rasija nastupaje samymi nizkimi tempami, jakija naziralisia, prynamsi, sa studzienia 2023 hoda. Mahčyma, rasijskija vojski časova źniasilili bajavyja mahčymaści svaich padraździaleńniaŭ nastolki, što ich nie chapaje navat na nievialikija nastupalnyja apieracyi.
Rasijskaje kamandavańnie, imavierna, budzie imknucca adnavić nastupalny patencyjał paśla taho, jak adbudziecca papaŭnieńnie asabovaha składu i bojeprypasaŭ. Pakul ža kamandziry, mahčyma, buduć vymušanyja vybirać pamiž praviadzieńniem nastupalnych apieracyj i zabieśpiačeńniem nadziejnaj abarony ŭzdoŭž linii frontu.
Kamientary