«Biehčy nie daduć». Pretenzii vialikija, ale ŭsie mieniedžary na svabodzie. Jak i dla čaho kašmarać «Lidskaje piva»?
12 miljonaŭ dalaraŭ štrafu moža być sihnałam — «nie treba biehčy».
Raniej my paviedamlali, što ŭ 2022 hodzie finskaja kampanija Olvi PLC, jakoj naležyć znakamitaje «Lidskaje piva», vyrašyła syści ź Biełarusi.
Finy zajaŭlali pra rašeńnie spynić inviestycyi ŭ Rasiju i Biełaruś.
Čytajcie taksama: Lehienda sychodzić: finskija zasnavalniki vyrašyli pradać «Lidskaje piva» i šukajuć pakupnikoŭ
U «Lidskim pivie» ŭ Biełarusi pracuje kala 800 čałaviek, jakija hienieravali 24% apieracyjnaha prybytku ŭsiaho Olvi PLC.
Finski kapitał uvajšoŭ u Biełaruś u 2008 hodzie, a syści vyrašyŭ paśla saŭdziełu Biełarusi ŭ vajnie suprać Ukrainy.
«Da niadaŭniaha času «Lidskaje piva» było adnym z najbujniejšych padatkapłacielščykaŭ Hrodzienskaj vobłaści. Ale zaraz napieradzie prablemy — chmiel u Biełarusi ciapier nie vyroščvajuć, jaho impartujuć. Ja sumniavajusia, što ŭ Biełarusi niechta ŭsurjoz zacikavicca jaho nabyćciom, chiba niechta z ruskich», — kamientavaŭ tady situacyju adzin z udzielnikaŭ rynku.
Praz paŭhoda, u kancy 2022-ha, kampanija zajaviła, što nie moža pradać aktyŭ praź źmieny ŭ zakanadaŭstvie (Łukašenka zabaraniŭ zamiežnikam pradavać kampanii ŭ Biełarusi).
«Usio adno peŭnyja ruchi ŭ kirunku prodažu rabilisia, niahledziačy na zabaronu», — kažuć nam abaznanyja ŭdzielniki rynku.
Imavierna, vynikam hetaha staŭ drakonaŭski štraf, nakładzieny na kampaniju Dziaržkantrolem.
Čytajcie taksama: Dziaržkantrol vypisaŭ 12 miljonaŭ dalaraŭ štrafu «Lidskamu pivu»
«Jak ja razumieju i jak usie my razumiejem, heta svajho rodu sihnał «nie rypacca», bo nie tolki nie pradasi, ale jašče i atrymaješ u plečy nievynosny štraf. Heta nie zadača źniščyć biznes — chaj pracujuć, zadača pakazać astatnim kampanijam z zamiežnym kapitałam, što biehčy nie daduć.
U hetym, darečy, adroźnieńnie staŭleńnia Łukašenki ad staŭleńnia Pucina, jaki honić z Rasii zachodnija kampanii. A tut, naadvarot, sprabujuć utrymać ich. Jak umiejuć — siłaj. U pryncypie, kali jość pretenzii na takuju sumu, a mieniedžmient — na svabodzie, heta vielmi niezvyčajnaja dla Biełarusi situacyja», — padzialiŭsia razvahami z «Našaj Nivaj» adzin ź mieniedžaraŭ bujnoha zamiežnaha biznesu z ofisam u Minsku.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT13
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary
kohda tam s śledujuŝije vybory?
zapisyvajtie - ja piervaja hołosovať
nu i čto, čto mnie niet 18 ti