U internecie apublikavali videa, jak kamandujučy rasijskaj hrupoŭkaj u Biełarusi tancuje aholeny. Intryha — dla kaho
Apošnimi dniami ŭ internet źlili adrazu niekalki porcyj kampramatu na rasijskaha vysokapastaŭlenaha hienierała Alaksandra Matoŭnikava, jaki kamanduje ciapier rasijskimi vojskami ŭ Biełarusi. Spačatku ŭ sieciva źlili videa, dzie hienierał tancuje aholeny, a paźniej — jaho pierapisku z «paluboŭnikam».
Napiaredadni ŭ siecivie źjaviłasia videa, na jakim Alaksandr Matoŭnikaŭ tančyć eratyčny taniec. Adbyłosia heta praź dzień paśla taho, jak na aeradromie ŭ Mačuliščach adbyłasia dyviersija suprać rasijskaha vajskovaha samalota.
Na hetym chakiery nie spynilisia i źlili listavańnie hienierała ź nibyta «paluboŭnikam». Kadrami pierapiski padzialilisia aŭtary telehram-kanała «Šukaj svaich».
Novy kampramat na namieśnika kiraŭnika Suchaputnych vojskaŭ RF źjaviŭsia praz usiaho paru hadzin paśla rezanansnaha videa. I heta vyhladaje ŭžo na śviadomuju kampaniju suprać hienierała, pakul tolki niezrazumieła, kim arhanizavanuju.
Krynica paviedamlaje, što pierapisku z «paluboŭnikam» Matoŭnikaŭ vioŭ na svajoj staroncy ŭ instahramie. Jana datujecca 14 lutaha — Dniom śviatoha Valancina. Choć nielha vyklučać, što staronku hienierała prosta ŭzłamali.
Paźniej u rasijskich šavinistyčnych telehram-kanałach źjavilisia publikacyi, što pikantnaje videa z hienierałam praŭdzivaje, ale tancavaŭ jon dla žonki i joj vysyłaŭ videa.
«Akramia Zorki Hieroja Rasiei, u hienierała Matoŭnikava jašče šmat bajavych i dziaržaŭnych uznaharod. Jość pavaha padnačalenych i meta. A hetaha bolš čym dastatkova dla hienierała vajujučaj armii. Navat kali jon časam uspaminaje pra svaju siamju i zdymaje pikantnyja videa dla svajoj žonki. Kožny maje prava na asabistaje žyćcio i tajamnicu pierapiski», — piša kanał Rybar.
Alaksandr Matoŭnikaŭ naradziŭsia ŭ 1965 hodzie ŭ Maskvie. Z 2020 hoda jon namieśnik načalnika Suchaputnych vojskaŭ RF, a ciapier uznačalvaje rasijskija vojski na terytoryi Biełarusi. Byŭ dvojčy žanaty, i ŭ jaho troje dziaciej. Niekatory čas žyŭ u domie Achmata Kadyrava, a ciapier ciesna siabruje z Ramzanam.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary