Pjanaha biełarusa na fury zatrymali spačatku ŭ Niderłandach, a potym u Hiermanii
Niećviarozamu 34-hadovamu biełarusu na hruzaviku zabaranili dalejšy ruch u Niderłandach, ale praź niekalki hadzin jaho pryjšłosia kančatkova spyniać u Hiermanii. Pra heta paviedamiła niamieckaja palicyja.
Mašynu pravieryli ŭ sieradu 22 lutaha ŭ 18.30 na terytoryi adnaho z pradpryjemstvaŭ u pramysłovaj zonie kamuny Łastrup u niamieckaj ziamli Nižniaja Saksonija. Pryčynaj staŭ sihnał ad adnaho z udzielnikaŭ darožnaha ruchu pra toje, što zhadany hruzavik ruchaŭsia pa trasie ŭ vielmi niebiaśpiečnaj maniery.
Pry pieršym ža kantakcie z kiroŭcam fury niamieckija pravaachoŭniki zrazumieli, što jon znachodziŭsia ŭ stanie mocnaha ałkaholnaha apjanieńnia. Taksama ŭ kabinie znajšli niekalki piŭnych blašanak i butelek.
Akramia taho, tut ža vyjavili dakumient, vydadzieny palicyjaj Niderłandaŭ. Ź jaho vynikała, što šafiora niekalki hadzin tamu ŭžo pravieryli ŭ hałandskaj hramadzie Zvole, i tam ałkatestar zaśviedčyŭ najaŭnaść u arhaniźmie mužčyny kala 2,00 pramile ałkaholu. U biełarusa tam uziali ŭzor kryvi, zabaranili dalejšuju pajezdku i kanfiskavali pravy, adnak jon praciahnuŭ šlach.
Ałkatest, praviedzieny ŭžo niamieckimi palicejskimi, zaśviedčyŭ najaŭnaść u arhaniźmie šafiora ŭžo 2,64 pramile ałkaholu. U jaho taksama ŭziali ŭzor kryvi, a kab dakładna vyklučyć mahčymaść novaha traplańnia za rul, uziali na noč pad vartu.
Dastaŭku hruzu, jaki znachodziŭsia ŭ pryčepie aŭtamabila, praciahnuŭ inšy kiroŭca.
Čytajcie taksama:
Biełaruski dalnabojščyk zahinuŭ u Polščy ŭ DTZ
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary