Zamiest biełaj sinicy ŭ konkursie «Biełpošty» pieramahli słužbovyja sabaki siłavikoŭ
«Biełpošta» padviała vyniki anłajn-hałasavańnia za lepšuju paštovuju marku 2022 hoda — pieramožcam abviaścili vypusk, pryśviečany słužbovym sabakam pamiežnikaŭ, paviedamiła pres-słužba Dziaržpahrankamiteta.
Adnym z pretendentaŭ na pieramohu, kali konkurs u kancy minułaha hoda tolki abviaścili, była marka likvidavanaj arhanizacyi «Achova ptušak Baćkaŭščyny» z vyjavaj biełaj sinicy, ale jaje adrazu ž źniali z konkursu, kali marka stała vybivacca napierad.
Pry padviadzieńni aficyjnych vynikaŭ konkursu na lepšuju paštovuju marku Biełarusi 2022 hoda akazałasia, što kožny druhi z 32 tysiač čałaviek, jakija ŭziali ŭdzieł u hałasavańni, abraŭ mały list «Słužbovyja sabaki Pamiežnaj słužby Biełarusi» z vyjavaj aŭčarak i łabradora, raspaviali ŭ Dziaržpahrankamitecie.
Słužbovych sabak pryviali i na śviatočnuju cyrymoniju ŭ Hałoŭpaštamt.
Druhoje i treciaje miescy ŭ konkursie zaniali vypusk z fota Siarhieja Płytkieviča, pryśviečany Viciebščynie, i marka z hierbam Dobruša.
Čytajcie taksama:
Prapahandysty apałčylisia suprać biełaj sinicy
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary