Kiraŭnik MZS Małdovy Niku Papesku abviaściŭ pra vychad krainy z Sadružnaści Niezaležnych Dziaržaŭ. Ministr adznačyŭ, što pakolki Małdova ŭziała kurs na ŭstupleńnie ŭ Jeŭrasajuz, to «vychad z SND praciahniecca».
Spačatku kraina skasuje niekalki dziasiatkaŭ pahadnieńniaŭ, zaklučanych u miežach Sadružnaści:
«Pačynajem denansacyju pahadnieńniaŭ u miežach SND. My dapoŭnim i apublikujem hety śpis. Tolki pavodle linii MUS denansujem kala 20 pahadnieńniaŭ».
Ministr adznačyŭ, što hetyja dakumienty «nie aktualnyja, abo nie pracujuć, abo ich nie vykarystoŭvajuć, abo jany pracujuć suprać intaresaŭ Małdovy»:
«Małdova dałučycca da Jeŭrasajuza, i ŭ jaje absalutna inšyja mety zamiežnaj palityki. Vidavočna, što vychad z SND abo skasavańnie hetych pahadnieńniaŭ, niesumiaščalnych z našymi abaviazańniami, praciahniecca».
Ahułam, pa słovach Niku Papesku, Małdova — udzielnica kala 330 pahadnieńniaŭ u miežach SND.
Kamientary