Bajden paabiacaŭ krainam Uschodniaha błoka NATA abaraniać ich terytoryju
U sieradu prezident ZŠA sustreŭsia ŭ Varšavie ź lidarami krain, jakija znachodziacca la ŭschodnich miežaŭ NATO — tak zvanaj «Bucharesckaj dziaviatki».
Padčas sustrečy z uschodnimi sajuźnikami Bajden zajaviŭ, što ad vyniku vajny va Ukrainie zaležyć nie tolki svaboda ŭkraincaŭ, ale i «svaboda demakratyj usioj Jeŭropy i ŭsiaho śvietu», piša Bi-bi-si.
Abaviazacielstvy, uziatyja na siabie Vašynhtonam u dačynieńni da sajuźnikaŭ ZŠA, prezident Bajden nazvaŭ śviatym abaviazkam.
«My budziem abaraniać kožnuju calu terytoryi NATO», — zapeŭniŭ jon.
Prezident taksama ŭ čarhovy raz paabiacaŭ, što ZŠA buduć praciahvać padtrymlivać ukraincaŭ, jakija abaraniajuć svaju niezaležnaść.
«Na konie nie prosta Ukraina, a svaboda», — skazaŭ jon.
Rašeńnie Uładzimira Pucina prypynić členstva Rasii ŭ Damovie SNV-III, što abmiažoŭvaje jadziernyja arsienały abiedźviuch krain, Bajden nazvaŭ pamyłkovym, ale raźvivać hetuju dumku nie staŭ.
Hienieralny sakratar aljansu Jens Stołtenbierh, u svaju čarhu, nazvaŭ vizit prezidenta ZŠA ŭ Kijeŭ, jaki adbyŭsia napiaredadni, vyraznym pasłańniem ab tym, što jeŭrapiejskaja biaśpieka — adna z pryjarytetnych zadač Vašynhtona.
Kiraŭnik aljansu adznačyŭ, što prezident Pucin rychtujecca nie da miru, a da novaj vajny, a tamu padtrymku Ukrainy nieabchodna ŭzmacnić.
«My nie viedajem, kali skončycca vajna, ale, kali jana skončycca, my pavinny być upeŭnienyja, što historyja nie paŭtorycca», — skazaŭ jon, dadaŭšy, što nielha dazvolić Rasii praciahvać «ciškom padtočvać» biaśpieku Jeŭropy.
Ciapier čytajuć
U Varšavie siońnia raźvitvajucca z Alaksandram Milinkievičam FOTAREPARTAŽ
U Varšavie siońnia raźvitvajucca z Alaksandram Milinkievičam FOTAREPARTAŽ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary