Amierykanski miljarder Džordž Soras zajaviŭ, što pieramoha Ukrainy ŭ vajnie suprać Rasii budzie spryjać raspadu apošniaj jak impieryi. Pra heta jon zajaviŭ, vystupajučy na Miunchienskaj kanfierencyi pa biaśpiecy, paviedamlaje liga.net.
Pavodle jaho słoŭ, da kastryčnika 2022 hoda Ukraina pieramahała na poli boju, adnak zatym Rasija pry dapamozie Irana pačała ŭžyvać bieśpiłotniki i abstrelvać rakietami krytyčnuju infrastrukturu, što prymusiła Kijeŭ zaniać abarončuju pazicyju. Jon adznačyŭ, što vojska Rasii znachodzicca ŭ adčajnym stanoviščy, jano drenna kiravanaje, abstalavanaje i demaralizavanaje, a tamu Uładzimir Pucin pačaŭ bolš aktyŭna vykarystoŭvać hrupu «Vahnier», što pryniesła Kramlu niekatoryja pośpiechi.
Soras zajaŭlaje, što prezidenty Uładzimir Zialenski i Džo Bajden pahadzilisia, što adziny sposab skončyć vajnu — heta pieramoha Ukrainy.
«Pucin zahadaŭ Pryhožynu atrymać pieramohu da hadaviny rasijskaha ŭvarvańnia va Ukrainu 24 lutaha. Jon sprabuje akružyć ukrainskich abaroncaŭ horada Bachmuta, dzie maje kolkasnuju pieravahu. Mahčyma, jamu heta ŭdasca, ale ja liču heta małavierahodnym, tamu što ŭkrainskaja armija akazvaje mocny supraciŭ, i jak tolki Ukraina zmoža prymianić abiacanuju zbroju, usio źmienicca», — zajaviŭ miljarder.
Biznesoviec miarkuje, što Ukraina maje akno mahčymaściaŭ viasnoj, kab pravieści kontrnastupleńnie z dapamohaj zachodniaha ŭzbrajeńnia — hety nastup ukrainskich voinaŭ pavinien vyznačyć los poŭnamaštabnaha ŭvarvańnia Rasii.
«Krainy byłoha SSSR ź nieciarpieńniem čakajuć paražeńnia rasijan va Ukrainie, tamu što chočuć adstajać svaju niezaležnaść. Heta aznačaje, što ŭkrainskaja pieramoha budzie spryjać raspadu Rasijskaj impieryi. Rasija bolš nie budzie ŭjaŭlać pahrozu dla Jeŭropy i śvietu», — reziumavaŭ jon.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary