Łukašenku i Miadźviedčuku davodziać adnolkavyja mietadyčki? Zirnicie, nakolki adnolkavyja zajavy jany siońnia rabili
Prarasijski palityk z Ukrainy, kum Pucina Viktar Miedźviadčuk, jakoha ŭ minułym hodzie ŭkrainskija ŭłady abmianiali na kiraŭnictva pałka «Azoŭ», siońnia taksama zaklikaŭ da abjadnańnia ŭkraincaŭ, nie zhodnych z palitykaj Zialenskaha.
«Nam treba abjadnacca, nam treba pakazać, što jość siońnia pa fakcie inšaja Ukraina, jakaja ličyć inakš, čym dumaje i robić Zialenski, jaki viadzie vajnu da apošniaha ŭkrainca ŭ intaresach Zachadu. My pavinny abjadnacca dla taho, kab pastavić hetamu zasłanku i zakryć hety šłahbaŭm jaho złačynstvam», — skazaŭ Miedźviadčuk u efiry prapahandysckaha «Pieršaha kanała».
Jaho zaklik vypadkova ci śviadoma supaŭ z tym, što akurat siońnia viaščaŭ i Łukašenka na sustrečy z zamiežnymi žurnalistami. Jon navat kankretna akreślivaŭ, kaho ličyć «inšaj Ukrainaj» — vajskoŭcaŭ:
«Kali ŭžo absalutna adkryta, moj punkt hledžańnia: zaŭsiody jość z kim havaryć ab miry. Dumaju, jak by dziŭna heta ni zdavałasia, hety dyjałoh treba vieści — ja pierakanany ŭ hetym — z vajskoŭcami Ukrainy. Vajskoŭcy Ukrainy majuć trochi, miakka kažučy, adrozny punkt hledžańnia i pazicyju ad palitykaŭ i prezidenta Zialenskaha».
A taksama: «I ludzi ŭ jaho spytajuć: «Čamu my ŭsio žyćcio pavinny mučycca? Dziela čaho? Što dalej?» A dalej u Zialenskaha — da apošniaha ŭkrainca vajna, i hetak dalej. Kamu heta padabajecca?».
Čytajcie taksama:
Łukašenka: «Rasija nikoli nie prajhraje vajnu. Nikoli». I sprabuje ŭbić klin miž kiraŭnictvam Ukrainy i vajskoŭcami
-
Syrski patłumačyŭ, čamu adpraviŭ vojski ŭ Kurskuju vobłaść, a nie abaraniać Pakroŭsk
-
ZŠA i Jeŭropa raspracoŭvajuć mirny płan, jaki daść Ukrainie harantyi biaśpieki, a Rasii — ekanamičnyja vyhady
-
Va ŭmovach mocnych abstrełaŭ va Ukrainie pry niehatyŭnym scenary śviatło moža być usiaho čatyry hadziny na sutki
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu3
Kamientary