Śviatłana Cichanoŭskaja pa zaprašeńni prezidenta Hitanasa Naŭsiedy ŭziała ŭdzieł va ŭračystych mierapryjemstvach u honar Dnia adnaŭleńnia niezaležnaści Litvy.
Siońnia Śviatłana Cichanoŭskaja razam z prezidentam Litvy Hitanasam Naŭsiedam, premjerkaj Inhrydaj Šymanicie, śpikierkaj parłamienta Viktoryjaj Čmilicie-Nilsen, eks-prezidentkaj Dalaj Hrybaŭskajcie, eks-prezidentam Vałdasam Adamkusam i pieršym kiraŭnikom Litvy paśla adnaŭleńnia niezaležnaści Vitaŭtasam Łandbsierhisam pryniała ŭdzieł u mierapryjemstvach, pryśviečanych litoŭskamu nacyjanalnamu śviatu — Dniu adnaŭleńnia Litoŭskaj dziaržavy, paviedamlaje jaje pres-słužba.
«Ščyra vinšuju Litvu sa śviatam! Ja zyču litoŭcam praciahvać tuju ž pryncypovuju i paśladoŭnuju palityku, jakaja źjaŭlajecca prykładam dla amal usich krain ES. Ja asabista ŭdziačnaja Litvie, što hetaja kraina stała prytułkam i časovym domam dla amal 50 tysiač biełarusaŭ, jakija ciapier žyvuć tut. I dziakuj usim biełarusam, jakija pryjšli siońnia pavinšavać Litvu ŭ hetym dzień! Viadoma, my ŭsie chočam viarnucca dadomu ŭ Biełaruś, i robim usio, kab heta stała mahčymym jak najchutčej. Ale siońnia toj dzień, kab jašče raz skazać: ačiū, Lietuva!», — skazała Śviatłana Cichanoŭskaja.
-
Cichanoŭskaja: Biełaruskija ŭłady zaklikajuć žančyn naradžać, ale paśla naradžeńnia dziciaci mnohija sutykajucca ź finansavaj jamaj
-
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie
-
U vieraśni Polšča dała mižnarodnuju abaronu 24 hramadzianam Biełarusi
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie8
Kamientary
Žyvie Biełaruś!