Biełaruskija litaratary praciahvajuć raździavacca
Napiaredadni Novaha hoda źjavicca nabor paštovak z aholenymi piśmieńnikami.
Napiaredadni Novaha hoda źjavicca nabor paštovak z aholenymi piśmieńnikami. Heta budzie praciah art-prajekta «Kaniec słovaŭ» — «Kaniec słovaŭ. Home Collection».
U «Chatniuju kalekcyju» ŭvojduć fota šaści litarataraŭ. Viadoma, što siarod ich buduć Vital Ryžkoŭ, Sieviaryn Kviatkoŭski, Juraś Barysievič. Proźviščy astatnich pakul trymajucca ŭ sakrecie.
«Heta budzie ścipłaja chatniaja erotyka,
— kaža aŭtarka idei Darja Sitnikava. — Pa papiarednich raźlikach paštovak u kamplekcie musić być 24».
Na advarotnym baku paštoŭki budzie stajać aŭtohraf piśmieńnika. «Svojeasablivy sintez słova i cieła», — pakreślivaje Darja.
Zdymaŭ «Chatniuju kalekcyju» fatohraf Ihar Saŭčanka.
Ale ideja hetaja nie novaja. Jašče sioleta, jak vydali kalandar ź biełaruskimi piśmieńnikami ŭ niehliže «Kaniec słovaŭ», da kožnaha asobnika ŭ jakaści bonusu prykładałasia adna čorna-biełaja paštoŭka. Ale naboram jany nie vychodzili. Z-za techničnych prablem nie kožny pakupnik kalendara, praŭda, atrymaŭ asobnuju vyjavu aholenaha litaratara.
Usich paštovak tady zrabili 10. Na ich byli try vyjavy Andreja Adamoviča, pa dźvie Andreja Chadanoviča i Siarhieja Pryłuckaha, pa adnoj Anatola Ivaščanki, Artura Klinava i Andreja Takindanha.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć50
Kamientary