Litoŭskamu jurystu, jakoha padazrajuć u špijanažy na karyść Biełarusi, źmiakčyli mieru strymańnia
Mantasa Danielusa vypuścili z-pad varty, zaraz jon budzie nasić elektronny branzalet.
«Zamieniena miera strymańnia, jaje źmianiŭ sud. Sudździa dasudovaha śledstva Vilenskaha haradskoha akruhovaha suda svajoj pastanovaj padoŭžyŭ termin utrymańnia pad vartaj, a Vilenski akruhovy sud, atrymaŭšy skarhu Mantasa Danielusa na pastanovu, zadavoliŭ skarhu i ŭžyŭ bolš miakkija miery strymańnia», — pra heta ŭ piatnicu BNS paviedamiŭ Hiedrus Tarasievičus, prakuror Vilenskaj rajonnaj prakuratury, jaki kantraluje dasudovaje rasśledavańnie, paviedamlaje LRT.
Padazravanamu zahadali nasić elektronny branzalet, u jaho kanfiskavali dakumienty, jakija paćviardžajuć asobu.
Čytajcie padrabiaźniej: Ukaraniajecca ŭ biełaruskija arhanizacyi jak juryst, pierasyłaje infarmacyju Lebiedzievaj. Dziŭnaja dziejnaść Mantasa Danielusa
«Sud ličyć, što mety papiaredniaha źniavoleńnia, praduhledžanyja zakonam, mohuć być dasiahnuty pry bolš miakkaj miery strymańnia», — skazaŭ BNS prakuror.
Sud padoŭžyŭ termin zatrymańnia padazravanaha da 28 sakavika.
Rašeńnie Vilenskaha akruhovaha suda ab admienie aryštu Danielusa kančatkovaje i abskardžańniu nie padlahaje.
Hramadzianin Litvy Danielus byŭ aryštavany ŭ kancy vieraśnia minułaha hoda.
Danielusa padazrajuć pa toj častcy artykuła Kryminalnaha kodeksa, jakaja praduhledžvaje adkaznaść asob, «jakija, vykonvajučy zadańnie inšaj dziaržavy abo jaho arhanizacyi, vykrali, kupili ci inšym čynam sabrali ci pieradali źviestki, jakija składajuć dziaržaŭnuju tajamnicu Litoŭskaj Respubliki abo inšyja źviestki, jakija ŭjaŭlajuć cikavaść dla raźviedki zamiežnaj dziaržavy».
Čytajcie taksama:
Litoŭskaha jurysta, jaki ŭciraŭsia ŭ davier da biełaruskich aktyvistaŭ, aryštavali pa padazreńni ŭ špijanažy
Chacieŭ źbiehčy ŭ Biełaruś, ale nie paśpieŭ. Novyja padrabiaznaści spravy pra špijanaž na karyść KDB litoŭskaha jurysta
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary