Vystupajučy na sumiesnaj pres-kanfierencyi ŭ Jelisiejskim pałacy paśla sustrečy z Uładzimiram Zialenskim i Ołafam Šolcam, prezident Francyi Emanuel Makron zajaviŭ, što jaho kraina maje namier pryvieści Ukrainu da pieramohi ŭ vajnie z Rasijaj.
«My padtrymlivajem Ukrainu i majem namier pryvieści jaje da pieramohi, — skazaŭ Makron. — Ukraina moža spadziavacca ŭ hetym na Francyju i jaje sajuźnikaŭ, a Rasija nie pavinna pieramahčy i nie pieramoža ŭ hetaj vajnie».
Prezident Francyi taksama zapeŭniŭ Zialenskaha, što Paryž praciahnie akazvać vajennuju dapamohu Ukrainie i budzie adaptavacca da patreb Kijeva.
Kancler Hiermanii Ołaf Šolc, jaki śpiecyjalna prylacieŭ u Paryž, kab sustrecca z Uładzimiram Zialenskim, taksama paćvierdziŭ, što jaho kraina budzie akazvać Ukrainie vajennuju dapamohu «stolki, kolki spatrebicca», i, jak i jaho francuzski kaleha, padkreśliŭ, što nielha dapuścić pieramohi Rasii ŭ hetaj vajnie.
Uładzimir Zialenski, u svaju čarhu, padziakavaŭ Makronu i Šolcu za «spantannuju ideju ab praviadzieńni hetaj sustrečy».
«Francyja i Hiermanija patencyjna mohuć u korani źmianić situacyju, — zajaviŭ jon. — Čym chutčej Ukraina atrymaje zbroju dalokaha radyusu dziejańnia i sučasnyja samaloty, tym macniejšaj budzie naša kaalicyja».
U čaćvier prezident Ukrainy adpravicca ŭ Brusiel na samit JEZ.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»1
Kamientary