Staronki ŭ sacsietkach ukrainskaha deputata Hančarenki pryznali ŭ Biełarusi «ekstremisckimi». Toj adkazaŭ
Staronki ŭ sacyjalnych sietkach deputata Viarchoŭnaj Rady Ukrainy i lidara mižpartyjnaj hrupy «Za demakratyčnuju Biełaruś» Alaksieja Hančarenki pryznanyja «ekstremisckimi materyjałami». «Mnoju heta ŭsprymajecca z peŭnym honaram», — kamientuje palityk «Našaj Nivie» hetaje rašeńnie režymu.
«Kali absalutna złačynny režym Łukašenki kaža, što dla jaho ty vorah i jon baicca ciabie, toje pryjemna. Značyć, rablu ŭsio pravilna», — kamientuje Alaksiej Hančarenka.
Jon ličyć, što nahodaj dla pryniaćcia rašeńnia ab pryznańni jaho staronak u sacyjalnych sietkach «ekstremisckimi» staŭ daŭni post sa zhadkaj Łukašenki.
U im havaryłasia, što «ŭ nastupny Dzień niezaležnaści Ukrainy Łukašenka budzie visieć na słupie. I biełaruski narod budzie volny i budzie žyć u demakratyčnaj dziaržavie».
U žniŭni 2022 hoda na Hančarenku ŭ Biełarusi zaviali kryminalnuju spravu. U vykazvańni ŭkrainskaha palityka Hienieralnaja prakuratura Biełarusi ŭhledzieła «hvałt ci pahrozu adnosna słužbovaj asoby, jakaja vykonvaje słužbovyja abaviazki» i «dyskredytacyju Respubliki Biełaruś». Za piać minułych miesiacaŭ źviestak pra jaje chod nie było.
«Ja tolki mahu paŭtaryć, što rana ci pozna Łukašenka budzie na łavie padsudnych», — adznačaje Alaksiej Hančarenka.
Jon ličyć, što svajoj dziejnaściu duža «niervuje» Łukašenku. Reahavać na pryznańnie svaich sietak u Biełarusi «ekstremisckimi materyjałami» nie źbirajecca.
«Źviartacca da Łukašenki ja budu tolki, kali pabaču jaho na łavie padsudnych. Najvyraźniejšy adkaz jamu — heta toje, što z maim udziełam Parłamienckaja asambleja Rady Jeŭropy pryniała na minułym tydni rašeńnie, što nieabchodna stvarać mižnarodny trybunał suprać Pucina i Łukašenki. Nijakaha inšaha adkazu jamu davać nie treba», — kaža Alaksiej Hančarenka.
Ukrainski palityk viadomy svajoj krytykaj režymu Łukašenki, padtrymkaj biełaruskaha demakratyčnaha ruchu i Pałka Kalinoŭskaha, z pradstaŭnikami jakoha sustrakaŭsia. Hančarenka inicyjavaŭ zbor podpisaŭ pad pietycyjaj z zaklikam razarvać dypłamatyčnyja adnosiny ź Biełaruśsiu.
26 studzienia Parłamienckaja asambleja Rady Jeŭropy zaćvierdziła svaje patrabavańni ab stvareńni śpiecyjalnaha trybunała dla sudovaha pieraśledu Pucina i Łukašenki, pryznanych vinavatymi ŭ ahresii suprać Ukrainy.
«Naša Niva» — bastyjon biełaruščyny
PADTRYMAĆ«My nie vyznačajem, chto jość biełaruskim lidaram». Ukrainski deputat — pra kalinoŭcaŭ, palityku i vypłaty siemjam zahinułych
Hienprakuratura Biełarusi raspačała kryminalnyja spravy suprać ukrainskaha deputata Hančarenki
Parłamienckaja asambleja Rady Jeŭropy paćvierdziła supolnuju adkaznaść za vajnu kiraŭnictva Rasii i Biełarusi
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii22
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary