Irłandskaja avijakampanija Ryanair zajaviła, što skasoŭvaje dva maršruty ź Vilni, jašče na 11-ci samaloty buduć kursiravać radziej — tak pieravozčyk adreahavaŭ na pastanovu Vilenskaha aeraporta padniać zbory na 28%, piša Delfi.lt.
Tak jak z 1 studzienia 2023 hoda Vilenski aeraport pavysiŭ zbory dla pieravozčykaŭ na 28%, na budučaje leta Ryanair na 30% skaračaje raskład palotaŭ ź Vilni. Dva maršruty — u brytanskija harady Birminhiem i Lids-Bradfard — z sakavika admianiajucca, a jašče na 11 kirunkach — u Afiny, Bierlin, Biłund, na Korfu, u Dublin, Frankfurt, Hdańsk, łondanski aeraport Stansted, Miłan, Vieniecyju i Vienu — samaloty buduć lotać radziej.
Pradstaŭnik Ryanair Dara Bredzi nazvała pavyšeńnie padatku ŭ Vilenskim aeraporcie «niełahičnym» i zajaviła, što z-za hetaha paloty ŭ Vilniu stanoviacca mienš kankurentazdolnymi ŭ paraŭnańni ź inšymi jeŭrapiejskimi aeraportami, jakija, naadvarot, zamarožvajuć abo imknucca źnižać ceny, kab viarnuć dapandemijnyja patoki pasažyraŭ.
U svaju čarhu pradstaŭnik litoŭskich aeraportaŭ Tadas Vasilaŭskas adznačyŭ, što zbory nie mianialisia z 2018 hoda, a ŭstanoŭlenyja z novaha hoda padatki abhruntavanyja raschodami, jakija rastuć.
Vilenski aeraport pa-raniejšamu zastajecca papularnym chabam dla biełarusaŭ, jakija adtul lotajuć u inšyja krainy Jeŭropy.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary