Prezident Uładzimir Zialenski zajaviŭ u intervju Sky News, što jaho nie cikavić sustreča z prezidentam krainy-ahresara Uładzimiram Pucinym, bo jon nie razumieje, chto prymaje rašeńni ŭ Rasii, a taksama pra toje, što paśla ŭvarvańnia kramloŭski dyktatar dla jaho — nichto.
Zialenski padkreśliŭ, što rakietnyja ataki Rasii śviedčać ab tym, što Kreml chłusić, zajaŭlajučy ab mahčymaści pieramoŭ z Ukrainaj.
Adkazvajučy na pytańnie, ci moža dapamahčy vyrašyć vajnu sustreča z Pucinym, Zialenski adkazaŭ: «Mnie heta nie cikava. Nie cikava sustrakacca, nie cikava razmaŭlać… Ja sapraŭdy nie razumieju, chto prymaje rašeńni ŭ Rasii».
Pry hetym Zialenski adznačyŭ, što kali Rasija pakinie ŭkrainskuju terytoryju, to vajna spynicca. «Ja prosta chaču, kab jany [rasijanie] jak maha chutčej spynili vajnu i jak maha chutčej pakinuli našu krainu», — dadaŭ Zialenski.
Zialenski taksama adkazaŭ na pytańnie, ci nie pozna ŭžo vieści pieramovy z Kramlom. «Paśla poŭnamaštabnaha ŭvarvańnia dla mianie [Pucin] — nichto», — padkreśliŭ prezident.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary