«Avatar»-2 zarabiŭ zvyš dvuch miljardaŭ dalaraŭ u suśvietnym prakacie
Džejms Kemieran staŭ adzinym režysioram u śviecie, u jakoha adrazu try filmy ŭvajšli ŭ śpis samych kasavych za ŭsiu historyju kiniematohrafa.
Film «Avatar: Šlach vady» (Avatar: The Way of Water) pry biudžecie ŭ 350—460 młn dalaraŭ sabraŭ u suśvietnym prakacie 2,02 młrd. dalaraŭ. Tym samym jon staŭ šostym samym kasavym filmam u historyi, jaki pieraadoleŭ pakazčyk u 2 młrd. dalaraŭ, piša TMZ.
Charakterna, što siarod 6-ci takich filmaŭ try byli źniaty Džejmsam Kemieranam: «Tytanik» i dva «Avatara», pryčym pieršaja častka «Avatara» ŭsio jašče zajmaje tytuł samaha kasavaha filma ŭ historyi kiniematohrafa — 2,92 młrd. dalaraŭ.
Filmy sa zborami zvyš 2 młrd dalaraŭ:
- «Avatar» (2009) — 2,92 młrd. dalaraŭ;
- «Mściŭcy: Finał» (2019) — 2,8 młrd. dalaraŭ;
- «Tytanik» (1997) — 2,2 młrd. dalaraŭ;
- «Zornyja vojny: Abudžeńnie siły» (2015) — 2,1 młrd. dalaraŭ;
- «Mściŭcy: Vajna biaskoncaści» (2018) — 2,05 młrd. dalaraŭ;
- «Avatar: Šlach vady» (2022) — 2,02 młrd. dalaraŭ.
Raniej Džejms Kemieran zajaviŭ vydańniu Metro, što franšyza «Avatar» budzie składacca z 5 častak, pryčym treciaja, pavodle jaho słoŭ, užo źniata i rychtujecca da relizu.
«My ŭžo źniali ŭvieś treci film, tak što zaraz idzie pašyrany postpradakšn, kab nakłaści ŭsiu hetuju CG-mahiju. A potym buduć źniaty «Avatar 4» i «Avatar 5». U nas navat u hatovym vyhladzie ŭžo jość peŭny frahmient 4-ha filmu», — raspaviadaje Kemieran.
U svaim inšym intervju jon raskryŭ bolš padrabiaznaściej nakont treciaha filmu. U im hledačam budzie pradstaŭleny «niehatyŭny» vobraz žycharoŭ Pandory ŭ asobie novaha i pakul nieviadomaha popielnaha plemia, «jakoje ŭvasablaje ahoń».
Čytajcie jašče:
«Avatar 2: šlach vady», albo Druhoje pahružeńnie ŭ Pandoru
Cichanoŭskaja, cytujučy Kalinoŭskaha, zamianiła adno słova. Sacsietki adreahavali
Top sieryjałaŭ ad žurnalistaŭ «Našaj Nivy». Niekatoryja ź ich dakładna stanuć adkryćciom dla vas
Na VOKA vyjšaŭ multfilm «Supiersiamiejka 2» u biełaruskim dublažy
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary