Dadatak Google Clock ciapier dazvalaje zapisvać vaš ułasny huk budzilnika
Pakul, na žal, nie na ŭsich pryładach.
Huhłaŭski dadatak Clock dla Android maje mnostva varyjantaŭ huku dla budzilnika. Kali vam nie padabajecca miełodyja pa zmoŭčańni, vy taksama možacie vykarystoŭvać pieśniu ci padkast sa Spotify abo YouTube Music (apošniaje — tolki kali ŭ vas jość premium-padpiska). A ciapier Google dazvalaje zapisvać svoj ułasny hałasavy klip i stavić jaho ŭ jakaści sihnału budzilnika. Kali vy vykarystoŭvajecie dadatak Clock viersii 7.3, dla vas užo pavinna być dasiažnaja hetaja funkcyja.
Adnak pakul nie ŭsio tak dobra: hetaja funkcyja pracuje tolki na telefonach Pixel abo pryładach, na jakich karystalniki pastavili taksama dadatak Google Recorder. Niahledziačy na hety minus, nie vyklučana, što ŭ budučyni funkcyja zapampoŭvańnia hałasavoha klipa ŭ jakaści sihnału budzilnika źjavicca na ŭsich pryładach.
Taki sihnał budzilnika moža dapamahčy pažartavać sa znajomaha, kali źmianić jaho zvyčajny sihnał na zapisany hałasavy klip, prapanuje Techcrunch. Bolš pradukcyjnym varyjantam vykarystańnia takoj funkcyi było b nahadać samomu sabie pra što-niebudź adrazu, jak tolki vy ŭstali.
Novaja funkcyja hadzińnika ad Google dałučajecca da šerahu niezvyčajnych prahram hukavych apaviaščeńniaŭ. Amataraŭ budzilnikaŭ užo ździŭlali takija prahramy, jak Wakie, jakaja dazvalaje budzić nieznajomcaŭ; Mimicker ad Microsoft, jakaja prymušaje hrymaśničać, kab vyklučyć budzilnik; abo budzilnik cudnaha dnia (Doomsday Alarm Clock) dla tych, chto, mahčyma, žadaje pačać svoj dzień z paničnaj ataki, — taki budzilnik dazvalaje naładžvać roznyja apakaliptyčnyja scenaryi, kab pračnucca.
-
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary