U Bresckim abłasnym sudzie 19 studzienia sudździa Mikałaj Hryharovič ahučyŭ prysud Dar‘i Łosik: dva hady pazbaŭleńnia voli ŭ kałonii ahulnaha režymu. Mienavita stolki i zaprašvała prakurorka Kaciaryna Pakała.
Siońnia byŭ vyniesieny prysud Darji Łosik. Joj dali dva hady kałonii za sadziejničańnie ekstremisckamu farmavańniu.
«Kali mianie chacieli pakarać, ja prymu heta z honaram. Ale razam sa mnoj pakarali maju siamju, u tym liku maju małuju dačku», — skazała Darja Łosik u sudzie.
Darju Łosik — žonku asudžanaha na 15 hadoŭ błohiera Ihara Łosika — zatrymali 18 kastryčnika.
Jak paviedamlałasia, padstavaj dla kryminalnaha pieraśledu stała intervju, jakoje abvinavačanaja dała ŭ krasaviku telekanału «Biełsat», što pryznany biełaruskimi ŭładami «ekstremisckim farmiravańniem».
Pavodle viersii prakuratury, u razmovie z žurnalistam Darja «pazicyjanavała siabie jak žonku palitviaźnia» i «dała asabistuju niehatyŭnuju acenku dziaržaŭnym orhanam, u kampietencyju jakich uvachodzić ažyćciaŭleńnie kryminalnaha pieraśledu i vykanańnie pravasudździa».
U Ihara i Darji Łosikaŭ jość čatyrochhadovaja dačka Paŭlina, nad jakoj ciapier apiakujucca babuli i dziaduli.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Ciapier čytajuć
Architektar nazvaŭ toje, što zrabili ŭ Niaśvižy, «karnym dobraŭparadkavańniem»1
Kamientary
a darja mieła mahčymaść schadzić na manikiur
nu prosta ja nie mieła takoj mahčymaści i nie maju
a hałoŭnaje - nie chaču mieć