Siarhieju Cichanoŭskamu nakinuli abvinavačvańnie pa novym artykule
Śledčy kamitet paviedamlaje, što padčas adbyćcia pakarańnia jon «sistematyčna dapuskaŭ niepadparadkavańnie zakonnym patrabavańniam administracyi papraŭčaj ustanovy, pravakavaŭ kanflikty, u tym liku z sukamiernikami. Za heta nieadnarazova padviarhaŭsia spahnańniam».
Dziejańni Cichanoŭskaha kvalifikavanyja pavodle č. 2 art. 411 (złosnaje niepadparadkavańnie patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli, učynienaje asobaj, asudžanaj za ciažkaje i asabliva ciažkaje złačynstva) Kryminalnaha kodeksa Biełarusi.
Siarhiej Cichanoŭski byŭ zatrymany 29 maja 2020 hoda i praz paŭtara hoda asudžany na 18 hadoŭ źniavoleńnia.
Jaho asudzili pa čatyroch artykułach: č. 1 art.293 (arhanizacyja masavych biesparadkaŭ), č. 3 art. 130 (raspalvańnie sacyjalnaj varožaści), č. 2 art. 191 (pieraškoda pracy CVK), č. 1 art. 342 (arhanizacyja dziejańniaŭ, jakija hruba parušajuć hramadski paradak). U lipieni Cichanoŭski byŭ etapavany ŭ kałoniju № 15 u Mahilovie.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary