Va Ukrainie vajujuć «vahnieraŭcy», jakich zatrymlivali ŭ 2020 hodzie ŭ Biełarusi
«Ukrainskaja praŭda» identyfikavała členaŭ PVK «Vahnier», jakija ciapier vajujuć suprać Ukrainy i jakich zatrymoŭvali ŭ 2020 hodzie ŭ Minsku. Ukrainskija śpiecsłužby zładzili tady śpiecapieracyju, kab vymanić ich va Ukrainu.
Adnym z bajevikoŭ akazaŭsia 41-hadovy Maksim Košman pa mianušcy «Koršun». Z 2014-ha jon pazaštatny bajec PVK «Vahnier» i adzin z 33 najmitaŭ, jakich u 2020 hodzie zatrymali ŭ Biełarusi i addali Rasii.
Va Ukrainie suprać Košmana zaviedzienaja kryminalnaja sprava pa fakcie ŭdziełu ŭ niezakonnym uzbrojenym farmavańni padčas psieŭdarefierendumu ŭ Słaviansku ŭ 2014 hodzie.
Paśla ŭstalavańnia kantrolu nad horadam ukrainskimi vajskoŭcami, Košman źbieh u akupavanuju Horłaŭku i praciahnuŭ udzieł u vajnie suprać Ukrainy. Paśla atrymaŭ pašpart Rasii.
Analiz jaho sacsietak śviedčyć, što jon da hetaha času pražyvaje ŭ tak zvanaj «DNR», atrymlivaŭ uznaharody ad akupacyjnych uładaŭ.
Siarod tych, kaho zatrymlivali ŭ Biełarusi ŭ 2020 hodzie byŭ taksama Hienadź Fiacisaŭ. Raniej jon słužyŭ u padraździaleńni «Bierkut» ukrainskaj milicyi. Ciapier žyvie ŭ «DNR» i vajuje suprać Ukrainy.
Jon aktyŭna padtrymlivaŭ u sacsietkach pačatak «śpiecapieracyi» i psieŭdarefierendum.
Jašče adzin z byłych zatrymanych u Minsku najmitaŭ «Vahniera» Uładzimir Sielichaŭ taksama padtrymlivaje vajnu Rasii suprać Ukrainy.
Jon amal nie publikuje fota z vajny. Jość tolki niekalki ŭ formie i z rasijskim ściaham. Inšyja — u cyvilnym, ale ŭ kamientarach jon tłumačyć, što fota staryja.
«Vahnieraviec» Andrej Čarnyšoŭ udzielničaŭ u zachopie Łuhanskaha aeraporta letam 2014-ha. Praz čatyry hady trapiŭ u śpis SBU jak najmit, jaki byŭ dastaŭleny ŭ Siryju na rakietnym krejsiery «Varah» i vajavaŭ u hetaj krainie. U 2022-m viarnuŭsia vajavać suprać Ukrainy i ŭletku zahinuŭ.
Uradženiec Komi Anton Vachturaŭ taksama zahinuŭ na vajnie suprać Ukrainy. Pra heta śviedčyć zapis u sacsietkach i ŭ miascovych navinach.
Pa danych byłych supracoŭnikaŭ ukrainskich śpiecsłužbaŭ, mienavita Anton Vachturaŭ byŭ adnym z udzielnikaŭ pakarańnia hramadzianskaha čałavieka ŭ Siryi.
Tady «vahnieraŭcy» zamučyli biazzbrojnaha mužčynu, adrezali jamu hałavu, raźbili jaje kuvałdaj i spalili cieła. Usio heta bajeviki zdymali na videa.
U žniŭni 2020 hoda UP raspaviadała, što ŭkrainskija śpiecsłužby rychtavali maštabnuju apieracyju pa zatrymańni hrupy bajevikoŭ PVK «Vahnier», dla čaho vymanili ich u Biełaruś. Adnak paśla taho, jak siłaviki dałažyli ab hetych płanach Ofisu prezidenta Ukrainy, śpiecapieracyja pravaliłasia.
Łukašenka ž niekatory čas mierkavaŭ, što heta apieracyja Rasii suprać jaho režymu. Vahnieraŭcaŭ zatrymali biełaruskija siłaviki. Paśla ich pieradali Rasii.
Čytajcie taksama:
Hod tamu zatrymali vahnieraŭcaŭ. Zhadvajem, jak ich źviazvali ź Cichanoŭskim i jak pierad imi vybačaŭsia Viktar Łukašenka
Zialenski: Łukašenka havaryŭ mnie pra vahnieraŭcaŭ: «Ja nie padviadu, usio budzie narmalna, ja raźbiarusia»
Chto jany — 33 zatrymanyja bajeviki? Snajpiery, raźviedčyki, bierkutaŭcy z «DNR» FOTY
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»13
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary