Chto jany — 33 zatrymanyja bajeviki? Snajpiery, raźviedčyki, bierkutaŭcy z «DNR» FOTY
Imiony šmat kaho z zatrymanych pad Minskam bajevikoŭ jość va ŭkrainskaj bazie «Miratvorac». Amal usie jany prymali ŭdzieł u bajavych dziejańniach na ŭschodzie Ukrainy, a taksama datyčnyja da hrupy «Vahnier».
Tachir Bachciharajeŭ
40 hadoŭ, uradženiec Piermskaj vobłaści. Najmit «Vahniera», pracavaŭ miechanikam u raźviedvalnaj rocie. Pazyŭny — «Fartovy».
Siarhiej Ščarbakoŭ
39 hadoŭ, rodam z Astrachani. Braŭ udzieł u bajavych dziejańniach na ŭschodzie Ukrainy.
Aleh Dryha
34-hadovy ŭradženiec Daniecka. Prymaŭ udzieł u bajavych dziejańniach na baku «DNR».
Alaksandr Rudenka
36 hadoŭ, rodam z Klincoŭ Branskaj vobłaści. Słužyŭ pa kantrakcie ŭ rasijskaj armii. Z pačatku «ruskaj viasny» nakiravaŭsia na Danbas. Siabra Sajuza dobraachvotnikaŭ Danbasa.
Dzianis Charytonaŭ
40 hadoŭ. Uradženiec Astrachanskaj vobłaści. Braŭ udzieł u vajnie na Danbasie. Navodčyk. Pazyŭny — «Bajan». Kazacki ataman.
Maksim Košman
Uradženiec Danieckaj vobłaści, 39 hadoŭ. Pazyŭny — «Koršun». Šarahoviec, kiroŭca-telefanist.
Hienadź Fiacisaŭ
36 hadoŭ, uradženiec Daniecka. Były bajec «Bierkuta». Kamandzir uzvoda «Apłot» u «DNR». Pazyŭny — «Sava».
Alaksandr Šubin
24-hadovy ŭradženiec Łuhanska. Vajavaŭ za «DNR». Pazyŭny — «Zły». U šerahach bajevikoŭ z 2016 hoda.
Siarhiej Masłaŭ
32 hady, žyvie ŭ Padmaskoŭi. Pazaštatny supracoŭnik «Vahniera». Kulamiotčyk, prymaŭ udzieł u bajavych dziejańniach na Danbasie.
Ihar Šałomiencaŭ
45 hadoŭ, uradženiec Buracii. Pazyŭny — «Šeł». Starejšy siaržant, snajpier.
Andrej Takarenka
46 hadoŭ, rodam z Maskvy. U vajnie na Danbasie z 2014 hoda.
Fiodar Siarhiejeŭ
Uradženiec Astrachanskaj vobłaści, 33 hady. Vajavaŭ na Danbasie. Pazyŭny — «Šypučy».
Andrej Bakunovič
Rodam ź biełaruskich Kalinkavičaŭ, ale žyŭ u Ciumienskaj vobłaści Rasii. Vahnieraviec, kamandzir hrupy snajpieraŭ.
Alaksandr Ałtuchoŭ
U bazie «Miratvorca» jość Alaksandr Viktaravič Ałtuchoŭ, ale nie 1980, a 1958 hoda naradžeńnia. Vajavaŭ u padraździaleńni «Kryž». Mahčyma, heta nie toj čałaviek.
Kamientary