Treci raz u historyi KVZ biełaruskaja kamanda stała čempijonam
U 1999-m i 2001-m załatyja miedali brała zbornaja BDU. Zaraz ža, pa vynikach siezona-2022, pieramožcami Vyšejšaj lihi staŭ kalektyŭ «Doktar Chaus».
U finale mahiloŭcy padzialili pieršaje miesca z rasijskaj kamandaj «Imieni mianie».
Nahadajem, što letaś biełarusy zavajavali bronzavyja miedali «vyški». A ŭ 2022-m stali ŭładalnikami «Małoha KiViNa ŭ załatym» (4-je miesca na muzyčnym fiestyvali kamand KVZ).
Voś niekatoryja raniejšyja žarty biełaruskaj kamandy:
***
— Biełaruś, Biełaruś, ź vieraśnia ŭsio bolej Ruś.
***
— Moža, lepš raskažam, što ŭ Biełarusi sabrali svoj noŭtbuk?
— Kali ščyra, bolš cikava, što dziela hetaha razabrali.
Kamanda pakazała biełaruski noŭtbuk z zahadkavaj nazvaj «Kazładzior» pamieram z šafu, jaki adkryvajecca z dapamohaj pałki.
— A što za śmiaški ŭ zale? Chutka ŭsie z takimi chadzić budziecie.
***
— Što tam jašče novaha ŭ Biełarusi?
— Usio novaje ŭ Biełarusi — heta dobra pafarbavanaje savieckaje.
***
— Davajcie lepš: što tam u Maskvie?
— Mnie voś rasijskaja koła spadabałasia.
— A, voś hetaja voś ź miakaćciu? Dobraja, sytnaja.
***
— Letam u Maskvie praviali apytańnie, čym niezadavolenyja maskvičy…
— I što ciabie biantežyć?
— Mianie biantežyć, što maskvičy jašče čymści niezadavolenyja. Tamu my vyrašyli padaryć vam hetu vydatnuju karcinu, jakaja nazyvajecca «Zažraŭšyjasia».
U zału vynieśli lusterka, u jakoje hledačy mahli bačyć siabie.
— Nu čaho ty da ludziej pryčapiŭsia? U Mahilovie taksama niadaŭna praviali apytańnie.
***
— Alaksandr Łukašenka daviedaŭsia, što Nursułtan znoŭ pierajmienavali ŭ Astanu. «Nu, Minsk dyk Minsk, nichto i nie źbiraŭsia…»
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary