Łukašenka daručyŭ razhledzieć mahčymaść vykupu arendnaha žylla vajskoŭcami praz 25 hadoŭ słužby
Alaksandr Łukašenka daručyŭ na zakanadaŭčym uzroŭni razhledzieć mahčymaść vykupu vajskoŭcami arendnaha žylla va ŭłasnaść, dakładna prapisaŭšy ŭmovy dla hetaha, pieradaje BiełTA.
Jak adznačyŭ Łukašenka, urad prapanuje dla vyrašeńnia pytańnia pierš za ŭsio arendnaje žyllo. «Najaŭnaść takich słužbovych kvater nie tolki stymuluje da pradaŭžeńnia kantraktaŭ, ale i daje mahčymaść dla ratacyi kadraŭ, — ličyć Łukašenka. — Vajskoŭcy ž časta pierajazdžajuć u suviazi z novym miescam słužby. Arendnaja płata za takija kvadratnyja mietry ŭžo siońnia ŭstanoŭlena z panižajučym kaeficyjentam. Tak pavinna być i dalej. Heta pravilna. Ale ludziam treba dać ćviorduju ŭpeŭnienaść i ŭ zaŭtrašnim dni».
Jon daručyŭ na zakanadaŭčym uzroŭni razhledzieć mahčymaść u tym liku vykupu arendnaha žylla va ŭłasnaść, dakładna prapisaŭšy ŭmovy dla hetaha.
«Słužyš — žyvi, adsłužyŭ patrebnuju kolkaść hadoŭ, dapuścim, 25 hadoŭ, — dziaržava pavinna zahadzia skazać: my hetamu čałavieku paśla 25 hadoŭ (kali jon sychodzić sa słužby, zvalniajecca ŭ zapas ci pa jašče niejkich abjektyŭnych pryčynach) biaspłatna addajom hetuju kvateru, žyllo ci jon 3% pavinien zapłacić, ci pa reštkavym košcie? Dumaju, što nam treba iści na heta radykalna», — zajaviŭ Łukašenka.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary