Uradženca Biełarusi Arcioma Dubskaha buduć sudzić u Polščy za publičnuju abrazu hrupy asob pa prykmiecie ich nacyjanalnaści. Pra heta paviedamlaje ŭ sacsietkach polski Centr manitorynhu rasisckich i ksienafobskich pavodzin. Proźvišča biełarusa całkam nie nazyvajecca (tolki «Arciom D.»), ale z apisańnia i źmieščanaha fota zrazumieła, pra kaho idzie havorka.
Adznačajecca, što biełarus, jaki nazyvaŭ siabie «žurnalistam», nieadnarazova publična abražaŭ ukrainskich biežancaŭ, vitaŭ Pucina i vajnu, jakuju toj viadzie suprać niezaležnaj Ukrainy.
«Kali ŭkraincy pratestavali suprać pasła Rasii, Arciom D. źjaviŭsia na miescy i kryčaŭ na ich «fašysty» i «banderaŭcy». Rasijskaje i biełaruskaje telebačańnie achvotna ŭspryniała heta jak «hołas sapraŭdnych palakaŭ», — adznačajuć pravaabaroncy.
Kali Dubskaha aryštavali za niavypłatu štrafu, Biełaruskaje telebačańnie zajaviła, nibyta žurnalista karajuć za krytyku dziejnaści dziaržaŭnych ustanoŭ.
Paśla Arciom Dubski nieadnarazova pravodziŭ pravakacyjnyja akcyi ŭ dačynieńni da Centra manitorynhu rasisckich i ksienafobskich pavodzin i dajšoŭ navat da pahrozy ablić kisłatoj supracoŭnicu Centra. Urešcie polskija pravaabaroncy zajavili na jaho ŭ palicyju.
Arciom Dubski žyvie ŭ Polščy z 2011 hoda i raniej nieadnarazova adznačaŭsia skandalnymi vykazvańniami i dziejańniami.
Čytajcie taksama:
Byłoha maładafrontaŭca spačatku dapytvali siłaviki ŭ Minsku, a ciapier BT zastupajecca za jaho ŭ siužetach
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary