Kryšcijanu Ranałdu pieršym u śviecie nabraŭ bolš za paŭmiljarda padpisčykaŭ u instahramie
Futbalist zbornaj Partuhalii Kryšcijanu Ranałdu staŭ pieršym čałaviekam u śviecie, na Instagram jakoha padpisalisia bolš za paŭmiljarda čałaviek. Bolš padpisčykaŭ tolki ŭ karparatyŭnaha akaŭnta samoj sacyjalnaj sietki — 569 miljonaŭ.
U druhoha pa kolkaści padpisčykaŭ błohiera ich 376 miljonaŭ. I heta taksama futbalist, arhienciniec Lijanel Miesi.
Raniej Ranałdu taksama staviŭ sacsietkavyja rekordy. U pačatku 2021 hoda jon byŭ pieršym čałaviekam, jaki sumarna nabraŭ 500 miljonaŭ padpisčykaŭ u troch sacsietkach — Twitter, Instagram i Facebook. Akramia taho, dvojčy Ranałdu stanaviŭsia aŭtaram pastoŭ, jakija atrymlivali najbolš łajkaŭ u Instagram.
Sumiesny post Ranałdu i Miesi — fatahrafija, źniataja Eni Lejbavic pa zamovie brenda Louis Vuitton, — nabraŭ 37 miljonaŭ łajkaŭ u akaŭncie Ranałdu i 28,6 miljona łajkaŭ u akaŭncie Miesi.
Ale hety post usio adno nie daciahnuŭ da papularnaści fatahrafii zvyčajnaha jajka — jana spadabałasia 56 miljonam karystalnikaŭ Instagram.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi3
Kamientary