Ukraina spyniła pahadnieńnie ź Biełaruśsiu ab praduchileńni padvojnaha padatkaabkładańnia
16 listapada Viarchoŭnaja Rada Ukrainy pryniała zakon ab spynieńni dziejnaści pahadnieńnia pamiž uradami Ukrainy i Biełarusi ab praduchileńni padvojnaha padatkaabkładańnia i ŭchileńnia ad vypłaty padatkaŭ na prybytak i majomaść.
Za pastanovu prahałasavali 304 deputaty z 450-ci jaje ahulnaha składu.
U supravadžalnaj zapiscy da pastanovy metazhodnaść spynieńnia dziejańnia pahadnieńnia abhruntoŭvajecca nieabchodnaściu abarony nacyjanalnaj biaśpieki «ŭ suviazi z padtrymkaj Respublikaj Biełaruś biesprecedentnaj, adkrytaj, šyrokamaštabnaj uzbrojenaj vajny Rasijskaj Fiederacyi suprać Ukrainy».
Paśla spynieńnia dziejańnia pahadnieńnia na terytoryi Ukrainy da ŭsich rezidentaŭ Biełarusi budzie prymianiacca nie lhotnaja, a zvyčajnaja staŭka padatkaŭ. Taksama spyniajecca abmien infarmacyjaj u spravie padatkaŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary