KDB aryštavaŭ kiraŭnicu klininhavaj kampanii, abvinavačańni ekanamičnyja i palityčnyja
Kamitet dziaržbiaśpieki pačaŭ kryminalnuju spravu na klininhavuju kampaniju za niavypłatu padatkaŭ u bujnym pamiery. Jak paviedamlaje telekanał «Biełaruś 1», užo zatrymanyja piać čałaviek, jakija nibyta dajuć pryznalnyja pakazańni.
Pavodle źviestak dziaržaŭnaha telekanała, «niejkaja hramadzianka Cichanava» zasnavała klininhavuju kampaniju i skarystałasia lhotami. Zakanadaŭstva dazvalaje pracadaŭcu adličvać u Fond sacyjalnaj abarony nasielnictva 5% ad prybytku, kali ŭ kampanii pracujuć nie mienš za tracinu ludzieŭ ź invalidnaściu. U kampanii Cichanavaj, jak paviedamlajecca, byli aformlenyja na pracu šeść čałaviek, čatyry ź jakich majuć invalidnaść.
«Pry hetym pracu, jakaja prynosić prybytak pradpryjemstvu, vykonvali 900 čałaviek, jakija nie źjaŭlajucca invalidami i jakija sistematyčna pryciahvalisia pa damovie padradu», — zajaviŭ namieśnik načalnika śledčaha ŭpraŭleńnia KDB Biełarusi Kanstancin Byčak.
Akramia taho, Alenu Cichanavu, jakaja taksama kiruje hramadskim abjadnańniem «Soniečny kruh», abvinavacili ŭ suviazi z amierykanskimi fondami i MUS Słavakii. U jakaści dokazu telekanał demanstruje vydadzieny Cichanavaj siertyfikat ad USAID ab prachodžańni prahramy prafiesijna-kulturnaha abmienu, źviazanym z vykarystańniem dośviedu ZŠA ŭ śfiery padtrymki ŭraźlivych hrup nasielnictva.
Na BT pakazali momant zatrymańnia žančyny. Miarkujučy pa kadrach, jaje zatrymali padčas prahułki z sabakam.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»14
Kamientary