Pad Słuckam užo bolš za miesiac žyvuć vandroŭnyja cyrkačy sa słanom, žyvioł dapamahajuć karmić ludzi z usioj krainy
Italjanskaja dresiroŭščyca Majli Moni adbiłasia ad trupy i musiła zastacca ŭ Biełarusi z dvaimi dziećmi i žyviołami: słanom, końmi, poni i husiami. Jana časova raźbiła łahier u vioscy pad Słuckam. Vydańnie Tochka.by napisała, jak joj tam žyviecca.
U kastryčniku dresiroŭščyca Majli Moni jašče hastralavała pa krainie razam z cyrkam «DZIVA». Artysty pa prahramie nakiroŭvalisia ŭ Baku. Ale italjanskaje pasolstva nie rekamiendavała svajoj hramadziancy jechać u Azierbajdžan z-za kanfliktu ŭ Nahornym Karabachu. Majli rekamiendacyi pasłuchała i zastałasia ŭ Biełarusi razam sa słanom, końmi, poni i husiami. Usia hetaja haspadarka lažyć na plačach adnoj dresiroŭščycy.
Uładkavacca dapamoh miascovy siabar. Rusłan Marochaŭ kaliści sam trymaŭ vandroŭny cyrk, ale padčas pandemii zbankrutavaŭ. Jon i prytuliŭ kačeŭnikaŭ u vioscy Navinki Słuckaha rajona.
Historyju dresiroŭščycy, jakoj niama čym karmić słana, raspaviali miascovyja žurnalisty. Samaja mahutnaja chvala ŭvahi padniałasia paśla rolika błohiera MilTOP. I narod pajechaŭ dapamahać.
Zasłužanaja artystka
U vioscy nazirajecca pastajanny ruch. Dvary zastaŭlenyja aŭto z numarami roznych rehijonaŭ. Miascovyja nie suprać, im heta nie pieraškadžaje. Ludzi viazuć harodninu i sadavinu, navat cełymi pryčepami.
Słanicha Mara jeść pa 100 kiłahramaŭ u dzień: siena, batony, buraki, morkvu, kambikorm. Na desiert — cukar, suški abo piačeńnie.
Pakarmić i pahładzić słana vystrailisia čerhi. Za dzień pahladzieć na Maru pryjazdžaje niekalki socień čałaviek. Słanicha radaja ŭsim. A kali stomicca — prylaža. Značyć, čas zrabić pierapynak.
«Mara sapraŭdnaja artystka — pracuje na publiku», — chvalicca Majli Moni.
Čarnahryvyja pryhažuny parody fryz navat zajzdrościać Mary. Jany — nie hałoŭnyja zorki.
Ježy ŭžo navieźli bolš, čym treba. Mara pierajadaje i navat krychu pataŭścieła. Ale telefon Rusłana Marochava ŭsio hetak ža zvonić bieź pierapynku. Salarka, siena abo rubiel — takaja dapamoha bolš aktualnaja.
Kab žyvioły zastavalisia ŭ formie, dresiroŭščyca rehularna repieciruje prahramu. Pahladzieć jaje biaspłatna moža luby achvotny.
Daroha na ŭschod
Majli Moni pracavała z mužam Kryścijanam. U 2020 hodzie jon zahinuŭ u aŭtakatastrofie. Majli praciahnuła siamiejnuju spravu adna. Jana dobra havoryć pa-rusku, a jaje dzieci — jašče i pa-biełarusku. Vučacca jany dystancyjna ŭ Kobrynskaj škole.
Civanu siem hadoŭ, a Krystel — 12. Usio dziacinstva jany praviali ŭ pierajezdach pamiž haradami i krainami. Žyvuć u aŭtadamach abo haścinicach.
Praź miesiac Majli Moni rychtuje svaje hruzaviki dla hastrolaŭ u Tułu. Kantrakt — na hod. A dalej — chto viedaje.
-
KDB pryznaŭ ekstremisckim farmavańniem «Biełaruskuju nacyjanalnuju kaalicyju», a zahinułaha Mikitu Kryŭcova nazvaŭ adnym ź jaje arhanizataraŭ
-
U Minsku ŭłady pradajuć kvateru ekanamista Paŭła Daniejki
-
25‑hadovuju dyzajnierku ź Pinska, jakaja raśpisvała ścieny dla sacyjalnaha centra, asudzili za palityku
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii4
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary
ja pra słana i koniej...
ludziški dyk viasiołyja i fotkajucca na ich fonie