Čatyrochdzionny pracoŭny tydzień. U kožnaj krainie svaje asablivaści
Abmierkavańni madeli čatyrochdzionnaha pracoŭnaha tydnia ŭ Jeŭropie viaducca davoli daŭno. Ekśpierymienty ŭ apošni čas aktyŭna pravodziacca ŭ roznych krainach, a ŭ kožnaj krainie jość svaje asablivaści, piša «Jeŭrańjus».
Na dniach ab pieravodzie na «čatyrochdzionku» častki pradpryjemstvaŭ na praciahu paŭhoda abviaścili ŭ Partuhalii. Ułady paviedamili, što skaračeńnie zarobkaŭ supracoŭnikam i finansavaja kampiensacyja dziaržavy najmalnikam nie praduhledžanaja.
Naprykład, maštabny ekśpierymient u Isłandyi pa ŭkaranieńni čatyrochdzionnaha pracoŭnaha tydnia bieź źnižeńnia zarobku pakazaŭ efiektyŭnaść takoha režymu pracy. Śpiecyjalisty zafiksavali źnižeńnie ŭzroŭniu stresu ŭ rabotnikaŭ. Pradukcyjnaść pracy pry hetym zachavałasia na raniejšym uzroŭni ci navat uzrasła.
Z 27 krain Jeŭrasajuza tolki ŭ piaci: Francyi, Finlandyi, Danii, Niderłandach i Litvie — siaredniaja praciahłaść pracoŭnaha dnia nie pieravyšaje 40 hadzin u tydzień.
Vialikabrytanija taksama pravodzić svajo maštabnaje vyprabavańnie pa vyvučeńni skaračeńnia pracoŭnaha času, u asnovie jakoha lažyć madel 100:80:100 — 100 % apłaty, 80 % času, 100 % pradukcyjnaści.
Ekśpierymient, jaki pačaŭsia ŭ červieni, praciahniecca šeść miesiacaŭ i achopić 3300 rabotnikaŭ. Prajekt pravodzicca sumiesna z hłabalnaj płatformaj 4 Day Week Global, jakaja ŭznačalvaje daśledavańni na hetuju temu. Pradstaŭlenyja joju vysnovy pakazvajuć nie tolki palapšeńnie samaadčuvańnia rabotnikaŭ, ale i pavyšeńnie pradukcyjnaści pracy.
U Bielhii zapłanavali pierachod na čatyrochdzionny pracoŭny tydzień, ale biez skaračeńnia pracoŭnych hadzin. Miarkujecca, što hramadzianie buduć pracavać ciapier 9,5 hadzin u dzień.
Prafsajuzy ŭ pieravažnaj bolšaści vystupajuć suprać čatyrochdzionnaha pracoŭnaha tydnia, pakolki bačać u joj pierš za ŭsio sprobu likvidavać dasiahnieńni rabotnikaŭ, adlustravanyja ŭ zakonach ab vaśmihadzinnym pracoŭnym dni.
Piłotny prajekt pierachodu na čatyrochdzionny pracoŭny tydzień pravaliŭsia ŭ ispanskim telekamunikacyjnym hihancie Telefónica. Rabočyja adchilili prapanovu ab skaračeńni pracoŭnaha dnia i razam z hetym zarabotnaj płaty.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary
Litvie?
polzujaś słučajem, chočjetsia pieriedať očieriednoj priviet Śvietie