U našym kišečniku žyvuć tysiačy vidaŭ mikraarhanizmaŭ, jakija adyhryvajuć važnuju rolu dla našaha zdaroŭja. Akazvajecca, što niekatoryja pradukty niasuć dla ich vialikuju karyść, a značyć, dapamahajuć i nam žyć lepiej. Niadaŭna vučonyja adkryli, što adnym z takich praduktaŭ źjaŭlajecca mindal.
Navukoŭcy Karaleŭskaha kaledža ŭ Łondanie paviedamili, što mindal stanoŭča ŭpłyvaje na zdaroŭje mikrabijomu — karysnych dla čałavieka mikraarhanizmaŭ u kišečniku. U pracy, što dapamahła heta vyśvietlić, pryniali ŭdzieł 97 zdarovych darosłych, jakija jeli niezdarovyja zakuski i mienš praduktaŭ z klatčatkaj, čym rekamiendujuć dyjetołahi.
Doślednych padzialili na try hrupy. U adnoj ź ich zamianili sutačnuju porcyju niezdarovych pierakusaŭ 56 hramami celnaha mindalu, u druhoj — 56 hramami mielenaha mindalu, a ŭ treciaj nakarmili doślednych kieksami z takoj ža kałaryjnaściu, jak i 56 hramaŭ mindalu. Daśledavańnie pravodziłasia na praciahu čatyroch tydniaŭ.
Praca pakazała: štodzionnaje ŭžyvańnie žmieni mindalu pavialičvaje kolkaść maślanaj kisłaty ŭ kišečniku, a heta, u svaju čarhu, stanoŭča ŭpłyvaje na karysnyja mikraarhanizmy ŭ im. Kletki kišečnaha epiteliju vykarystoŭvajuć maślanuju kisłatu dla vytvorčaści enierhii, jana dapamahaje im padtrymlivać pravilnuju strukturu kišečnika i cełasnaść kišečnaha epiteliju, jaki patrebny dla naležnaha raźvićcia mikrabijomu. U ludziej, jakija ŭžyvali mindal, było našmat bolš kišečnaha mikrabijomu, čym u tych, chto jeŭ kieksy.
Ale va ŭsich troch hrupach navukoŭcy nie zafiksavali adroźnieńniaŭ u časie prachodžańnia ježy pa kišečniku. Daśledčyki vyjavili, što ludzi, jakija jeli celny mindal, u siarednim aparažniali kišečnik na 1,5 razu čaściej, čym inšyja doślednyja, i heta moža śviedčyć, što celny mindal moža dapamahčy ludziam dać rady zaporu.
Akramia taho, ludzi, jakija jaduć mindal, spažyvajuć šmat monanienasyčanych tłustych kisłot, klatčatki, kaliju i inšych karysnych rečyvaŭ. Viadučy aŭtar daśledavańnia, prafiesar Kievin Uiłan, ličyć, što ŭžyvańnie žmieni mindalu ŭ dzień stanoŭča ŭpłyvaje na naš mikrabijom i, takim čynam, na ŭsio naša zdaroŭje.
Recept na vychadnyja: vieniecyjanski markoŭny piroh
Silezski piroh: cud z makam
14 najlepšych i najhoršych praduktaŭ dla vašaj piečani
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary