Navukoŭcy vyśvietlili, čamu adnych ludziej kamary kusajuć čaściej za inšych
Ludzi, na skury jakich vydzialajecca bolš karbonavych kisłot abo praduktaŭ ich pierapracoŭki skurnaj mikrafłoraj, pryvabniejšyja dla kamaroŭ, čym inšyja, piša Naked Science.
Da takich vysnoŭ amierykanskija navukoŭcy pryjšli paśla ekśpierymientaŭ z udziełam 64 čałaviek. Daśledčyki na šeść hadzin nadzieli na ruki dobraachvotnikaŭ niejłonavyja rukavy, kab sabrać uzory latučych rečyvaŭ sa skury.
Potym hetyja rukavy parami źmiaścili ŭ kamieru z kamarami — adnačasova ŭ joj byli ŭzory dvuch roznych ludziej. Navukoŭcy nazirali, jakaja tkanina pryciahnie nasiakomych. Akazałasia — taja, na jakoj bolš karbonavych kisłot. Pryčym uzor-lidar byŭ u sotniu razoŭ cikaviejšy dla kamaroŭ, čym aŭtsajdar śpisu.
Praź niekalki miesiacaŭ ekśpierymient paŭtaryli. Niekatoryja dobraachvotniki za hety čas pamianiali srodki pa dohladu za skuraj, ale rejtynh pryvabnaści ich niejłonavych rukavoŭ dla kamaroŭ zastaŭsia tym ža samym.
Karbonavyja kisłoty — arhaničnyja złučeńni, jakija ŭvachodziać u skład sakretu salnych załoz. Ichniaja kolkaść zaležyć ad indyvidualnych asablivaściaŭ arhanizmu. Akramia taho, jana stabilnaja — praktyčna nie mianiajecca z uzrostam, pry źmienie racyjonu abo kaśmietyčnych srodkaŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii13
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4040
Kamientary