Jon nie vytrymaŭ falšyvaha filmu, jaki mieŭ na mecie zhańbić jahonaha syna.
Viciebski žurnalist Kastuś Sieviaryniec trapiŭ u lakarniu z vostrym sardečnym prystupam. Daktary pastavili dyjahnaz «infarkt».
Pavodle jahonaj žonki Taciany Sieviaryniec,
spadar Kastuś apošnimi dniami duža nervavaŭsia z pryčyny telepieradačy pra ichnaha syna, Paŭła Sieviarynca, pakazanaj na BT 27 vieraśnia.30 vieraśnia baćki palityka napisali zajavu na imia kiraŭnika Biełdziaržteleradyjokampanii, patrabujučy abviaržeńnia i publičnych prabačeńniaŭ, bo ličać, što ŭ prahramie «Panarama» na Paŭła ŭźviali paklop.
Taciana Sieviaryniec kaža, što spravakavać infarkt moh nervovy stres, jaki daviałosia pieranieści ŭ vyniku toj pieradačy.
Nahadajem, što metadami BT zhidzilisia pradstaŭniki Biełaruskaj pravasłaŭnaj carkvy. Pieradaču «z abureńniem uspryniali biskupy, jaki ŭ hety viečar hladzieli telebačańnie. Mnohija ź ich mnie tak i skazali, što heta palityčny paklop», — zajaviŭ pradstaŭnik carkvy pa kantaktach sa ŚMI archimandryt Alaksiej (Šynkievič).
Z redkaj dla pradstaŭnika carkvy adkrytaściu jon raskazaŭ: «Upieršyniu, kali da mianie źviarnulisia ź Pieršaha nacyjanalnaha kanała pa kamentar, ja spytaŭ: u jakim kirunku vy chočacie, kab my prakamentavali? Kali ŭ admoŭnym, to my ničoha kazać nia budziem, a ŭ stanoŭčym dla vas heta nie patrebna i vas heta nie cikavić. Tamu jany pajšli inšym šlacham, padmannym — tak i treba kazać. Jany źviarnulisia da supracoŭnika eparchijalnaha ŭpraŭleńnia i da dyjakana Andreja Kurajeva i zmanciravali. Siońnia heta lohka možna zrabić. Heta prosta falšyŭka, nakiravanaja nia tolki suprać Biełaruskaj chryścijanskaj demakratyi, ale i suprać pravasłaŭnaj carkvy. Heta nia robić pašany Pieršamu nacyjanalnamu kanału».
Sa słovaŭ Šynkieviča, zhodna sa svajoj sacyjalnaj kancepcyjaj, «carkva nia tolki stanoŭča [stavicca da chryścijanskich partyj i ruchaŭ], ale zaklikaje viernikaŭ padtrymlivać hetyja partyi i ruchi. A ŭ hetym materyjale padadziena, što pravasłaŭnaja carkva suprać hetych ruchaŭ».
Ciapier Kastuś Sieviaryniec znachodzicca ŭ reanimacyjnym adździaleńni viciebskaha kardyjalahičnaha špitalu. Daktary kažuć, što stan jahonaha zdaroŭja ciažki, ale ŭžo stabilny.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki7
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary