Prezident Niamieččyny Frank-Valter Štajnmajer adkłaŭ vizit u Kijeŭ, jaki płanavaŭsia na čaćvier 20 kastryčnika. Pryčynaj nazvanyja «mierkavańni biaśpieki», paviedamlaje Radyjo Svaboda.
Jak śćviardžaje Bild, admovicca ad vizitu parekamiendavali MZS, MUS i orhany biaśpieki Niamieččyny, pastanova była pryniataja 18 kastryčnika. U Kijevie, pa dadzienych Bild, byli hetamu ździŭleny. Adznačajecca, što 20 kastryčnika stalicu Ukrainy pavinien naviedać kiraŭnik adnoj ź dziaržaŭ, chto mienavita — nie nazyvajecca.
10 kastryčnika paśla pierapynku ŭ niekalki tydniaŭ Kijeŭ padvierhnuŭsia rasijskim rakietnym udaram. U niekalki nastupnych dzion pa stalicy Ukrainy taksama nanosilisia ŭdary, jość achviary siarod mirnaha nasielnictva.
Ahienctva DPA adznačaje, što Štajnmajer ŭsio ž spadziajecca ažyćciavić vizit va Ukrainu «ŭ najbližejšy čas».
Jašče ŭ mai prezident Ukrainy Uładzimir Zialenski zaprasiŭ prezidenta Niamieččyny pryjechać va Ukrainu. Hetamu papiaredničała nieparazumieńnie pamiž dźviuma krainami vakoł mahčymaha vizitu — Štajnmajer śćviardžaŭ, što źbiraŭsia pryjechać u Kijeŭ jašče ŭ krasaviku, paśla taho, jak rasiejskija vojski pakinuli navakolli stalicy Ukrainy, adnak nibyta nie atrymaŭ zhody ŭkrainskaha boku.
Niamieckija ŚMI śćviardžali, što Zialenski nie chacieŭ bačyć Štajnmajera, jakoha da šyrokamaštabnaha rasijskaha ŭvarvańnia va Ukrainie krytykavali za ciesnyja suviazi z Rasijaj. Paśla ŭvarvańnia 24 lutaha prezident Niamieččyny zajaviŭ, što pamylaŭsia ŭ svaich palityčnych acenkach, u pryvatnaści jon nazvaŭ pamyłkaj toje, što padtrymlivaŭ budaŭnictva hazapravoda «Paŭnočnaja patok — 2».
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
-
U Pieciarburhu prafiesara aryštavali pa abvinavačvańni ŭ dziaržzdradzie, bo publikacyi mahła čytać narviežskaja raźviedka
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni34
Kamientary