Kiraŭnik Čačni Ramzan Kadyraŭ paviedamiŭ pra pryznačeńnie svaim daradcam pa humanitarnych, sacyjalnych i ekanamičnych pytańniach Arcioma Čajki.
Arciom Čajka — syn byłoha hienprakurora Rasii, a ciapier pastajannaha pradstaŭnika Pucina ŭ Paŭnočna-Kaŭkazskaj fiederalnaj akruzie Juryja Čajki.
U Rasii Arciom Čajka, jak i jaho brat Ihar, stali viadomyja paśla taho, jak u 2015 hodzie Fond baraćby z karupcyjaj Alaksieja Navalnaha vypuściŭ film «Čajka» — rasśledavańnie ab biznesie siamji Juryja Čajki, jaki tady ŭznačalvaŭ Hienprakuraturu RF (jon nazyvaŭ rasśledavańnie zakaznym). U 2016 hodzie Dziaržrejestr zasakreciŭ źviestki pra ich nieruchomaść, zamianiŭšy imia Arcioma Čajki na ŁSDU3, a Ihara Čajki — na JFIAU9. U 2020 hodzie ich sapraŭdnyja imiony viarnuli ŭ rejestr.
U Biełarusi ž Arciom Čajka viadomy pieradusim siabroŭstvam sa starejšym synam Łukašenki Viktaram. Jany źjaŭlajucca zasnavalnikami kłuba Iron Birds Chapter, jaki rehularna ładzić u Biełarusi prapahandysckija motaprabiehi. Adzin ź ich adbyŭsia ŭ vieraśni 2020 hoda, u razhar biełaruskich pratestaŭ, i farmalna byŭ pryśviečany 75-hodździu z dnia pieramohi ŭ Druhoj suśvietnaj vajnie.
Majuć syny vysokapastaŭlenych baćkoŭ i sumiesnyja biznes-intaresy, źviazanyja sa zdabyčaj zołata i miedzi ŭ Mahadanskaj vobłaści.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary