«Nobiel zamučyŭsia pieravaročvacca ŭ trunie». Viedamstva Makieja prakamientavała ŭručeńnie premii miru Alesiu Bialackamu
Minsk na peŭnym etapie straciŭ usialakuju cikavaść da rašeńniaŭ Nobieleŭskaha kamiteta. Pra heta zajaviŭ aficyjny pradstaŭnik Ministerstva zamiežnych spraŭ Biełarusi Anatol Hłaz, pieradaje «RIA Novosti».
«Vy viedajecie, u apošnija hady šerah pryncypovych rašeńniaŭ — a my kažam ab premii miru — Nobieleŭskaha kamiteta nastolki palityzavany, što, prabačcie, Alfred Nobiel zamučyŭsia pieravaročvacca ŭ trunie», — skazaŭ Hłaz.
Jon dadaŭ, što «heta ich kuchnia i ich sumleńnie, my nie chočam u heta załazić i niešta kamientavać».
«My prosta na peŭnym etapie stracili da hetaha ŭsiakuju cikavaść», — skazaŭ aficyjny pradstaŭnik biełaruskaha MZS.
Łaŭreatami Nobieleŭskaj premii miru sioleta stali biełaruski pravaabaronca Aleś Bialacki, rasijskaja pravaabarončaja arhanizacyja «Miemaryjał» i ŭkrainskaja pravaabarončaja arhanizacyja «Centr hramadzianskich svabod».
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ99
Kamientary