Bajden: Ryzyka jadziernaha Armahiedona znachodzicca na samym vysokim uzroŭni z časoŭ kubinskaha kryzisu
Prezident Džo Bajden zajaviŭ u čaćvier, što ličyć, što ryzyka jadziernaha «Armahiedona» znachodzicca na samym vysokim uzroŭni z časoŭ Karybskaha kryzisu 1962 hoda, a Pucin, pavodle jaho mierkavańnia, nie blefuje, piša AR.
Vystupajučy na mierapryjemstvie pa zbory srodkaŭ, arhanizavanym členami Dempartyi ZŠA, Bajden skazaŭ, što dastatkova dobra viedaje rasijskaha prezidenta Pucina, kab śćviardžać, što toj «nie žartavaŭ, kali kazaŭ pra vykarystańnie taktyčnaha jadziernaj zbroi, bijałahičnaj abo chimičnaj zbroi».
«My nie sutykalisia ź pierśpiektyvaj «Armahiedona» z časoŭ Kienedzi i kubinskaha rakietnaha kryzisu», — dadaŭ Bajden.
Jon vykazaŭ zdahadku, što pahroza z boku Pucina realnaja, bo «jaho ŭzbrojenyja siły, možna skazać, značna adstajuć».
Aficyjnyja asoby ZŠA na praciahu niekalkich miesiacaŭ papiaredžvali pra ryzyku vykarystańnia zbroi masavaha źniščeńnia va Ukrainie, pakolki Rasija sutyknułasia z šeraham stratehičnych niaŭdač na poli boju, adnak zajava Bajdena stała samaj rezkaj, kali-niebudź zroblenaj uładami ZŠA na hetuju temu.
Raniej na hetym tydni aficyjnyja asoby ZŠA zajaŭlali, što nie bačać nijakich źmien u jadziernych siłach Rasii, jakija zapatrabavali b źmieny stanu bajavoj hatoŭnaści jadziernych sił ZŠA, nahadvaje ahienctva. U aŭtorak pradstaŭnik Biełaha doma Karyn Žan-Pjer zajaviła, što ŭ Vašynhtonie pakul nie bačać prykmiet padrychtoŭki Rasijaj jadziernaha ŭdaru.
«My vielmi surjozna stavimsia da pytańnia jadziernaha ŭzbrajeńnia i brazhańnia jadziernaj zbrojaj, — kazała jana. — Ale pry hetym ja chaču adznačyć, što my pakul nie bačyli pryčyn pierahladać našu stratehičnuju jadziernuju pazicyju, roŭna jak u nas niama nijakich ukazańniaŭ na toje, što Rasija dakładna rychtujecca prymianić jadziernuju zbroju».
13-dzionnaje supraćstajańnie ŭ 1962 hodzie, jakoje stała nastupstvam sakretnaha raźmiaščeńnia Savieckim Sajuzam jadziernaj zbroi na Kubie, razhladajecca ekśpiertami jak samy blizki momant da jadziernaj vajny. Kryzis u časy administracyi prezidenta Džona Kienedzi pryciahnuŭ uvahu da kantrolu nad uzbrajeńniami pa abodva baki žaleznaj zasłony.
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary