Šviedskija siejsmołahi: Na maršrutach «Paŭnočnych patokaŭ» fiksavalisia vybuchi
Na maršrutach hazapravodaŭ «Paŭnočny patok — 1» i «Paŭnočny patok — 2» zafiksavana dva vybuchi. Pra heta zajaviŭ dyrektar šviedskaj nacyjanalnaj siejśmičnaj sietki Bjorn Łund u efiry šviedskaha telekanała SVT.
«Dobra vidać, jak chvali adskokvajuć ad dna da pavierchni. Niama sumnievaŭ, što heta byŭ vybuch», — raskazaŭ Bjorn Łund. Adzin z vybuchaŭ mahnitudaj 2,3 byŭ zarehistravany vymiaralnymi stancyjami.
Vybuchi, śćviardžaje šviedski telekanał, adbylisia ŭ tym ža samym rajonie, dzie raniej była zafiksavanaja ŭciečka hazu.
Akramia taho, Ministerstva abarony Danii pakazała videa ŭciečki na hazapravodzie «Paŭnočny patok — 2», źniataje z pavietra. Na videa — burlivy kruh šyrynioj u niekalki sotniaŭ mietraŭ.
Ciapier u Bałtyjskim mory ŭstanoŭlenyja zabaronienyja zony — u metach biaśpieki sudnachodstva i avijapieralotaŭ.
Nahadajem, učora Danija, a siońnia i Šviecyja zajavili ab najaŭnaści ŭciečak z hazapravodaŭ «Paŭnočny patok — 1» i «Paŭnočny patok — 2». Jany byli vyjaŭlenyja ŭ rajonie vostrava Bornchalm. Pa źviestkach Šviedskaj marskoj administracyi, paškodžanyja hazapravody ŭ troch miescach, asnoŭnaja viersija zdareńnia — dyviersija.
-
Pamiatajecie historyju amierykanki, jakuju trymali ŭ komie paśla śmierci, kab nie spyniać ciažarnaść? Prajšoŭ hod: što ciapier ź dziciem
-
Prezident Balivii Radryha Pas abviaściŭ u krainie nadzvyčajnaje stanovišča
-
U Polščy hramadzianinu Hruzii vystaŭlenyja abvinavačańni ŭ zabojstvie mastaka Siamiona Skrapieckaha
Kamientary