«Užo niekalki sutak nie možam da ich dazvanicca»: DFR z maski-šou pryjšoŭ u «Vostraŭ čyścini»
Jak stała viadoma «Našaj Nivie», u dadzieny momant praciahvajecca vobšuk u hałaŭnym ofisie rytejlera «Vostraŭ čyścini». Pravodzić jaho, pa papiaredniaj infarmacyi, DFR. Sens pretenzij i kolkaść zatrymanych pakul nieviadomyja. «Vostraŭ čyścini» — druhi pa pamiery hulec na rynku rytejła pobytavaj chimii.
Pra toje, što ŭ ofisie «Vostrava čyścini» vobšuk, paviedamlajuć partniory kampanii, pastaŭščyki, jakim užo stała pra heta viadoma.
«Niešta tam u ich pačałosia jašče raniej, moža być, rychtavalisia, nie mahli dazvanicca my da ich niekalki sutak», — skazaŭ «Našaj Nivie» adzin z pastaŭščykoŭ.
«Vostraŭ čyścini» — adzin z dvuch najbujniejšych handlaroŭ pobytavaj chimijaj u Biełarusi. Tavary dla čyścini, rečy dla kuchni i hetak dalej — heta toje, z čaho jany pačynali.
Pa pamiery jany sastupajuć tolki «Mile», majučy 650 kram pa krainie.
Apošnim časam sietka atrymała licenzii na prodaž ałkaholu i inšych tavaraŭ, ruchajučysia ŭ bok bolš šyrokaha rytejłu, adychodziačy ad katehoryi tolki pobytavaj chimii.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik49
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1111
Kamientary