Biełaruskaja tenisistka Viktoryja Azaranka pieradała svaje rečy ŭkrainskim dzieciam, jakija zajmajucca tenisam. Pra heta ŭ intervju vydańniu btu.org.ua raspavioŭ ukrainski tenisist Siarhiej Stachoŭski. Jon adznačyŭ, što heta adbyłosia jašče na «Rałan Haros» u kancy maja — pačatku červienia.
Stachoŭski ŭdakładniŭ, što Azaranka była, maŭlaŭ, adzinym čałaviekam, chto padyšoŭ da jaho, razmaŭlaŭ ź im i supieražyvaŭ.
«Jana praktyčna pačała tam płakać z-za taho, što heta ŭsio adbyvajecca i jana nie viedaje, što joj rabić i jak joj reahavać. Jana spytałasia, što moža zrabić, i ja joj adkazaŭ, što jana moža danacić hrošy, pieradavać rečy, usio što možaš rabić, toje i rabi», — skazaŭ ukrainski spartoviec.
U vyniku Viktoryja pieradała va Ukrainu sumku asabistych rečaŭ viadomaha brenda. Stachoŭski čakaŭ trapnaha momantu — naprykład, majstar-kłasaŭ, ale jany, pa zrazumiełych pryčynach, doŭhi čas nie pravodzilisia va Ukrainie.
«Narešcie rečy dajechali da Dniapra i Zaparožža — siońnia ja ich razdaŭ. Hałoŭnaje, što dzieciam heta vialiki kajf, tamu što heta rečy niepasredna jaje, heta značyć, jany niasuć vialikuju tenisnuju kaštoŭnaść dla dziaciej. Tamu ja ŭpeŭnieny, što heta padymie im nastroj», — skazaŭ Stachoŭski.
U apošnija miesiacy Viktoryja Azaranka mieła niamała prablem z-za svajho hramadzianstva. U žniŭni jaje nie dapuścili da ŭdziełu ŭ dabračynnym matčy ŭ ZŠA ŭ padtrymku Ukrainy, a na adkrytym čempijanacie ZŠA ŭkrainka Marta Kaściuk, ź jakoj Azaranka raniej hulała ŭ pary, nie pacisnuła joj ruku.
36-hadovy Siarhiej Stachoŭski paśla pačatku bajavych dziejańniaŭ va Ukrainie ŭstupiŭ u šerahi terytaryjalnaj abarony.
Čytajcie taksama:
Azaranka pieramahła ŭkrainku na US Open, taja admoviłasia cisnuć joj ruku
Azaranku adchilili ad udziełu ŭ turniry ŭ padtrymku Ukrainy
Azaranka nie pajedzie na turnir u Kanadu, joj nie dali vizu
Viktoryja Azaranka pra adchileńnie ad «Uimbłdona»: «Ja nie budu pramaŭlać jak achviara»
Polšča pryznała Alaksandra Mašenskaha niepažadanaj asobaj27
Kamientary