The New York Times: ZŠA ŭvodziać zabaronu na pastaŭki hrafičnych čypaŭ Nvidia i AMD u Rasiju i Kitaj
Jak piša The New York Times, rašeńnie abmiežavać prodaž u Kitaj i Rasiju vysokapradukcyjnych hrafičnych čypaŭ dvuch suśvietnych lidaraŭ u hetym siehmiencie rynku — Nvidia i AMD — pryniała administracyja prezidenta ZŠA Džo Bajdena.
Pa źviestkach vydańnia, ciapier amierykanski ŭrad budzie patrabavać najaŭnaści śpiecyjalnaj licenzii na ekspart peŭnych najmieńniaŭ pradukcyi. Havorka ŭ asnoŭnym ab pracesarach, jakija pieršapačatkova raspracoŭvalisia dla renderynhu malunkaŭ u videahulniach, ale ŭ apošniaje dziesiacihodździe stali šyroka vykarystoŭvacca ŭ supierkampjutarach, a taksama dla funkcyj raspaznańnia movy i abjektaŭ na fota.
Akramia taho, sami supierkampjutary z hrafičnymi čypami Nvidia i AMD mahli vykarystoŭvacca dla prajektavańnia i raspracoŭki ŭzbrajeńniaŭ i z metaj zboru kaštoŭnych raźviedźviestak.
Nvidia ciapier nie pradaje svaju pradukcyju ŭ Rasiju, adnak maje šmat klijentaŭ u Kitai, a novyja abmiežavańni zakranajuć biznes, jaki prynios kampanii kala 400 młn dalaraŭ prybytku za apošni kvartał, paviedamlaje NYT.
U AMD zajavili, što zachady ŭrada ZŠA, vidavočna, paŭpłyvajuć na prodažy «adnaho ź jaje najbolš vysokapradukcyjnych hrafičnych pracesaraŭ u Kitaj i Rasiju».
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary