U Voranaŭskim rajonie niščać mohiłki žaŭnieraŭ Armii Krajovaj
Z samaj ranicy ŭ Surkontach, što ŭ Voranaŭskim rajonie, raŭniajuć ź ziamloj mohiłki sałdat Armii Krajovaj, paviedamlaje Glosznadniemna.pl.
Spustašeńnie mohiłak nahadvaje maštabnuju śpiecapieracyju. Darohi da miesca, dzie adbyvajecca akt varvarstva, błakujucca milicyjaj. A aburanych miascovych žycharoŭ, jakija sprabujuć sfatahrafavać učynienaje złačynstva, pałochajuć turemnym źniavoleńniem.
U Surkantach palehli 57 žaŭnieraŭ Armii Krajovaj, heta zdaryłasia 23 žniŭnia 1944 hoda ŭ bai z 3-m bataljonam NKUS, jaki akružyŭ atrad padpałkoŭnika AK Macieja Klankieviča «Kotviča». Imavierna, mienavita na hadavinu boju ŭłady prymierkavali źniščeńnie polskaha pachavańnia.
Pachavańnie zahinułych polskich žaŭnieraŭ, praz strach miascovych žycharoŭ pierad savietami, adbyłosia nie na miascovych mohiłkach, a na poli, kala mohiłak paŭstancaŭ 1863 hod, z udziełam miascovaha śviatara litoŭskaj nacyjanalnaści. U savieckija časy miascovyja žychary nie dazvolili zaarać mahiłu dla kałhasa. 8 vieraśnia 1991 hoda polskija žaŭniery byli ekshumavanyja i pachavanyja na miescy, dzie spačyvajuć i ciapier.
Tak vyhladajuć mahiły ciapier
Heta nie pieršy vypadak u Biełarusi. Raniej pachavańni žaŭnieraŭ polskaj Armii Krajovaj byli mietydyčna źniesienyja ŭ Kačyčach, Vaŭkavysku, Mikuliškach, Stryjeŭcy dy inšych miescach Hrodzienskaj vobłaści.
Ciapier čytajuć
Słavacki palitołah, były kiraŭnik amierykanskaha fondu PACT łabiruje zbližeńnie z Łukašenkam6
Kamientary
Ťfu, miarzota ..