«Nam patrebnaja tolki naša pieramoha». Alaksandr Duhin prakamientavaŭ śmierć dački
Biznesmien Kanstancin Małafiejeŭ, praź jakoha ŭłady Rasii finansujuć dziejnaść rasijskich ultranacyjanalistaŭ i nieanacystaŭ, apublikavaŭ u siabie ŭ telehram-kanale zajavu fiłosafa Alaksandra Duhina ŭ suviazi sa śmierciu jaho dački.
Duhin zajaviŭ, što jaho dačka Darja zahinuła «u vyniku teraktu, ažyćcioŭlenaha nacysckim ukrainskim režymam».
«Vorahi Rasii jaje podła, ciškom zabili. Ale nas, naš narod nie złamać navat takimi nievynosnymi ŭdarami. Jany chacieli zdušyć našu volu kryvavym teroram suprać samych lepšych i samych uraźlivych z nas. Ale jany svajho nie dabjucca. Našy sercy prahnuć nie prosta pomsty abo adpłaty. Heta zanadta drobna, nie pa-rusku. Nam patrebnaja tolki naša pieramoha. Na jaje ałtar pakłała svajo dziavočaje žyćcio maja dačka. Dyk pieramažycie, kali łaska! My chacieli vychavać jaje razumnicaj i hierojem. Chaj i ciapier jana natchniaje synoŭ našaj Ajčyny na podźvih», — zajaviŭ Duhin.
Daradca kiraŭnika ofisa prezidenta Ukrainy Michaił Padalak 21 žniŭnia kateharyčna adchiliŭ abvinavačvańni na adras ukrainskaha boku ab datyčnaści da vybuchu. Na jaho dumku, zabojstva Duhinaj śviedčyć pra toje, što roznyja hrupoŭki ŭnutry Rasii viaduć baraćbu za ŭładu. Siońnia FSB zajaviła pra toje, što padryŭ mašyny ździejśnieny ŭkrainskimi śpiecsłužbami.
Čytajcie taksama:
FSB śćviardžaje, što raskryła zabojstva Darji Duhinaj
«Duhin mieŭ jechać na hetaj mašynie, ale sieŭ u inšuju». Uzarvali dačku ideołaha rasijskaha impieryjalizmu Duhina
Zachad, Ukraina, Kreml, Łukašenka? Chto moža stajać za zabojstvam Darji Duhinaj?
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary