Śviet

Ministr kultury Ukrainy vyklučyŭ demantaž manumienta «Baćkaŭščyna-maci» ŭ Kijevie

Ministr kultury Ukrainy Alaksandr Tkačenka ličyć zakliki da demantažu manumienta «Baćkaŭščyna-maci» ŭ Kijevie absurdam. U efiry adzinaha telemarafona ŭ niadzielu jon skazaŭ, što heta adna ź vizitovak Ukrainy, a hrošy, jakija byli b patrebnyja na demantaž, možna vydatkavać z bolšaj karyściu.

Fota: Vikipiedyja

«Znosić słavutaść, jakaja źjaŭlajecca adnoj ź vizitovak Ukrainy, jakaja hladzić na ŭschod, jakaja vielizarnaja atrakcyja dla mnohich turystaŭ, mnie zdajecca absurdam u hety čas. U nas jość na što tracić srodki. U nas niama srodkaŭ u biudžecie, tamu što jany pajšli na abaronu i na padtrymku sacyjalnaj śfiery.

Muziei Haładamoru, nam treba pabudavać muziej Hierojaŭ Niabiesnaj sotni, treba pracavać z mnohimi abjektami — heta bolš za 450 abjektaŭ, jakija atrymali paškodžańni abo byli razburanyja padčas vajny. A zajmacca demantažom «Baćkaŭščyny-maci» možna tolki ŭ chvaravitym ujaŭleńni», — skazaŭ Tkačenka.

U lipieni ŭ mabilnaj prahramie «Dija» ŭkraincy pravodzili apytańnie, što rabić z hierbam SSSR na ščycie «Baćkaŭščyny-maci». 85% respandentaŭ zajavili, što jaho treba zamianić na Tryzub.

Pa słovach Tkačenki, raboty z hierbam SSSR na ščycie manumienta mohuć pačacca prykładna praz paŭhoda.

«Dumaju, što paśla zaćviardžeńnia płana dziejańniaŭ, jaki nam padaŭ muziej Druhoj suśvietnaj vajny — praduhledžana techničnaje abśledavańnie, pryciahnieńnie śpiecyjalistaŭ dla prajektnaj dakumientacyi — pavinna prajści dzieści paŭhoda ci krychu bolš dla taho, kab my ŭščylnuju prystupili ŭžo da rabot», — skazaŭ ministr.

U 2019 hodzie kiraŭnik Ukrainskaha instytuta nacyjanalnaj pamiaci Anton Drabovič kazaŭ, što dekamunizacyja manumienta «Baćkaŭščyna-maci» budzie kaštavać vielmi doraha. Pavodle jaho słoŭ, u Instytuta elektrazvarki imia Patona jość rašeńnie, jak demantavać saviecki hierb, ale jano darahoje.

«Prablema ŭ čym? Kab prosta zrezać jaho ci nahruzić lulkaj — jana moža prosta pieravažyć.

Tam vielmi składanaja inžyniernaja kanstrukcyja, jaje nielha razbałansavać, tam majatnik u ruce ź miačom, jaki ŭraŭnavažvaje statuju. Kali my paviesim šmat inžyniernych pryładaŭ, kab zdymać, demantavać hety ščyt, jon moža pierakulić statuju», — tłumačyŭ Drabovič.

Zhodna z pryniatym u 2015 hodzie Zakonam ab zabaronie kamunistyčnaj simvoliki miascovyja ŭłady abaviazanyja źnieści ŭsie pomniki savieckim dziejačam. Ale niahledziačy na toje, što pomnik «Baćkaŭščyna-maci» źviazany z kamunistyčnym režymam, jaho vyrašyli nie demantavać. A saviecki hierb sa ščyta źbiralisia prybrać kaliści paźniej.

«Baćkaŭščyna-maci» — manumientalnaja skulptura ŭ Kijevie, raźmieščanaja na vysokim pravym bierazie Dniapra na terytoryi Nacyjanalnaha muzieja historyi Ukrainy ŭ Druhoj suśvietnaj vajnie. Adkrytaja ŭ 1981 hodzie, ličycca samaj vysokaj manumientalnaj skulpturaj u Jeŭropie.

Kamientary

Ciapier čytajuć

U Homieli siłaviki ŭznaharodzili tajamničych hierojaŭ. Chto jany?1

U Homieli siłaviki ŭznaharodzili tajamničych hierojaŭ. Chto jany?

Usie naviny →
Usie naviny

Cichanoŭskaja pra vysyłku ź Biełarusi ŭ žniŭni 2020: Mnie dali na zbory 20 chvilin32

Ldzinki pamieram z čarešniu, a to i ślivu. Učora ŭ Minsku vypaŭ pieršy letni hrad1

Šmat Porsche, Bentley, «hieliki» — minskaja mytnia zastaŭlenaja daražeznymi aŭto11

Načny ŭdar pa Kijevie: čaćviora zahinułych, 20 paranienych1

Tramp i Mask adkryli źniščalny ahoń adzin u adnaho24

U niebie nad Kazachstanam zaŭvažyli niezvyčajnyja abjekty. Niekatoryja pabačyli śled, padobny da rasijskiha «Arešnika»3

Čarhovy fejk: Zialenski nibyta padaryŭ svajoj maci kvateru ŭ Dubai za 3,2 miljona dalaraŭ8

Mierc pryjechaŭ u Vašynhton i padaryŭ Trampu paśviedčańnie ab naradžeńni jaho dzieda1

Piensijanierki ŭ Breście rašyli razabracca ź biazdomnymi katami, bo tyja «hadzili na kvietki»7

bolš čytanych navin
bolš łajkanych navin

U Homieli siłaviki ŭznaharodzili tajamničych hierojaŭ. Chto jany?1

U Homieli siłaviki ŭznaharodzili tajamničych hierojaŭ. Chto jany?

Hałoŭnaje
Usie naviny →

Zaŭvaha:

 

 

 

 

Zakryć Paviedamić