Stali viadomyja piać prykmiet novaha štamu kavidu, jakija vy možacie nie zaŭvažyć
Pa śviecie raspaŭsiudžvajecca novaja mutacyja kavidnaha štamu amikron — navukoŭcy nazyvajuć jaje VA.5. Viadoma, što hety varyjant kavidu vielmi lohka pieradajecca i im mohuć zarazicca jak pryščeplenyja, tak i tyja, chto ŭžo chvareŭ na kavid. Jašče adna składanaść: simptomy VA.5 lohka nie zaŭvažyć ci pierabłytać ź niečym inšym.
Nazirańni miedykaŭ śviedčać, što šmat jakija simptomy VA.5 anałahičnyja simptomam inšych štamaŭ dy mutacyj kavidu. Ale jość adna važnaja źmiena — toje, jak časta rehistrujucca tyja ci inšyja prajavy chvaroby, piša onet.pl.
U pačatku pandemii vielmi papularnym simptomam była strata niuchu, ale siońnia jana rehistrujecca nie tak časta. Na pieršaje miesca pa raspaŭsiudžanaści siarod simptomaŭ vyjšaŭ bol u horle, na druhoje — hałaŭny bol. Za imi pa papularnaści iduć załožanaść nosa, suchi i vilhotny kašal.
Ciapierašniaja chvala kavidu supadaje ź siezonam abvastreńnia alerhii, tamu miedyki pieraścierahajuć suprać taho, kab pierabłytać kavid z hetaj chvarobaj. Bol u horle, nasmark, zakładzieny nos i ahulnaje niedamahańnie mohuć śviedčyć jak pra kavid, tak i pra alerhiju, tak što, kali sumniavajeciesia, lepiej zrabicie test.
Časam ludzi nie źviartajuć uvahu na krychu pavyšanuju tempieraturu, ale i jana moža śviedčyć pra kavid. U vypadku z hetaj infiekcyjaj vaš stan pavinien palepšać praz try-piać dzion. Kali ž hetaha nie adbyłosia i tempieratura nie źniziłasia, kali vy nie majecie apietytu, adčuvajecie słabaść i vam ciažka dychać, źviarniciesia da doktara.
Pastajanny kašal (jak suchi, tak i vilhotny) taksama moža być prykmietaj kavidu. Narešcie, i ŭ pryščeplenych, i ŭ niepryščeplenych ludziej, u jakich byŭ vyjaŭleny amikron, naziraŭsia bol u horle i chrypły hołas. Ekśpierty padličyli, što ŭ siarednim 7 z 10 darosłych, jakija atrymali 2 ci 3 dozy vakcyny, buduć pry zaražeńni amikronam adčuvać bol u horle. U vypadku z kavidam jon doŭžycca ŭ siarednim 5 dzion i byvaje davoli mocnym.
Doktar Sałaviej: Iznoŭ pajšoŭ rost zachvorvalnaści na kavid, zaścierahajciesia i pryščaplajciesia
Na nosie — novaja chvala COVID-19. Jak padrychtavacca i ci rabić pryščepku?
Novaja chvala karanavirusa nastupaje, i vakcynaŭ ad jaje niama. Navukoŭcy tłumačać čamu
Ciapier čytajuć
Łukašenka sustreŭsia sa śpiecpasłańnikam Trampa Kitam Kiełaham9
Kamientary