Mikałaja Aŭtuchoviča treci dzień zapar nie pryviali na sudovaje pasiadžeńnie
U jakim stanie źniavoleny vaŭkavyski pradprymalnik, nieviadoma. 22 dni tamu jon pačaŭ «suchuju haładoŭku», paviedamlaje «Radyjo Svaboda».
Mikałaj Aŭtuchovič nie pieradavaŭ nijakim čynam infarmacyju pra toje, ci pačaŭ pić i jeści. Pavodle jaho zajaŭ, jon nie spynić haładoŭku, pakul jamu nie pačnuć addavać listy ad maci i inšych ludziej.
Praz try tydni ad pačatku haładoŭki Aŭtuchoviča na heta adreahavała biełaruskaja prapahanda.
Na STB vyjšaŭ siužet, jaki sprabuje pastavić pad sumnieŭ toje, što Aŭtuchovič haładaje. Asnoŭny ich arhumient — niezvarotnyja źmieny pačynajucca ŭ arhaniźmie ŭžo na treci dzień biez vady. Značnuju častku siužeta składaje intervju nibyta ź viaźniem hrodzienskaj turmy, na STB nazyvajuć jaho imia, pakazvajuć tvar, jość kadry nibyta z kamier turmy.
Kali supracoŭnikaŭ dziaržaŭnaha kanała sapraŭdy puścili ŭ zakrytuju ŭstanovu ź videatechnikaj, to niezrazumieła, čamu jany nie pakazali, jak ciapier vyhladaje Aŭtuchovič.
Viadoma, što paśla 10 dzion haładoŭki stan viaźnia rezka pahoršyŭsia. Jon asłabieŭ, chadziŭ napaŭsahnuty, havaryŭ cicha. U jaho pierasochli vusny i jazyk, pačalisia mocnyja boli ŭ žyvacie, jon nie moh siadzieć na sudzie ad bolu, tolki lažać.
Hałoŭny fihurant «spravy Aŭtuchoviča», 59-hadovy Mikałaj Aŭtuchovič abviaściŭ suchuju haładoŭku 11 lipienia, pratestujučy suprać taho, što jamu pieradajuć listy tolki ad maci i nie dastaŭlajuć haziety. 28 i 29 lipienia jaho ŭžo nie było na sudzie.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary